Tags-Rang

banāne se mire bigḌā ye rañg un kī tabī.at kā
mujhī se hai parī-zādoñ ko da.ave ādamiyat kā

go merī baat par use 'hādī' yaqīñ to thā
shak-o-gumāñ kā rañg bhī us ke chalan meñ thā

gul-e-barg kā ye rañg hai marjāñ kā aisā Dhañg hai
dekho na jhumke hai paḌā vo hoñT la.al-e-nāb sā

havas kā rañg chaḌhā us pe aur utar bhī gayā
vo ḳhud hī jam.a huā aur ḳhud bikhar bhī gayā

terī āñkhoñ meñ rañg-e-mastī hai
haañ mujhe etibār-e-hastī hai

kyā kaheñ sair ko vo gul na gayā
baaġh kā rañg hī badal jaatā

vāhima ḳhallāq aur āzādī husn-afzā surūr
har fareb-rañg kā pahle gulistāñ naam thā

dhueñ se āsmāñ kā rañg mailā hotā jaatā hai
hare jañgal badalte jā rahe haiñ kār-ḳhānoñ meñ

un daraḳhtoñ kī udāsī pe taras aatā hai
lakḌiyāñ rañg na duuñ aag kī pichkārī se

bahut girāñ hai mire shab-o-roz par ye rañg-e-visāl 'sājid'
magar vahī be-kalī hai dil kī dimāġh ko justujū vahī hai

matā-e-barg-o-samar vahī hai shabāhat-e-rañg-o-bū vahī hai
khulā ki is baar bhī chaman par giraft-e-dast-e-numū vahī hai

'ehsān' kaash uTTheñ ye rañg-o-bū ke parde
ai mahfil-e-haqīqat bazm-e-majāz ho jā

phir ek ḳhvāb-e-vafā bhar rahā hai āñkhoñ meñ
ye rañg hijr kī shab jaag kar nahīñ aayā

ahd-e-pīrī ne hameñ rañg dikhā.e kyā kyā
sar pe ho shaam to baḌh jaate haiñ saa.e kyā kyā

kabhū rañg se hinā ke sar-e-dast-o-pā nigārīñ
na sivā-e-ḳhūn-e-āshiq kareñ ye nigār-bandāñ

nahīñ hai aañkh ke sahrā meñ ek buuñd sarāb
magar ye rañg badaltā huā sā kuchh to hai

gulzār-e-dahr meñ chaman-e-be-ḳhizāñ huuñ maiñ
laale kā rañg hai jigar-e-dāġh-dār meñ

sabz hai vādī-e-be-āb meñ gulshan merā
shab kī tasvīr meñ ye rañg kahāñ se aayā

ufuq pe nuur kā dariyā hai rañg kī kashtī
hai intizār meñ kis ke nigār-e-nik.hat-e-gul

yahāñ kī qaus-e-quzah ko milā hai izn-e-davām
bahār-e-rañg dalīl-e-bahār-e-nik.hat-e-gul