Tags-Rang

ufuq pe nuur kā dariyā hai rañg kī kashtī
hai intizār meñ kis ke nigār-e-nik.hat-e-gul

yahāñ kī qaus-e-quzah ko milā hai izn-e-davām
bahār-e-rañg dalīl-e-bahār-e-nik.hat-e-gul

sehn-e-gulshan meñ ba-har-ān badalte hue rañg
ik na.e daur-e-bahārāñ kī ḳhabar dete haiñ

kyā rañg-e-zamīn-o-āsmāñ hai saaqī
utrā huā chehra-e-jahāñ hai saaqī

daaġh hī daaġh ubhar aa.e mire chehre par
rañg merā ai musavvir huā bhaddā kaise

khil jaa.eñ raushnī pe mire pattharoñ ke rañg
us raat sī pahāḌ kā siina magar kaTe

barq ke saa.e meñ kaif-e-āshiyāñ samjhā thā maiñ
har ma.āl-e-rañg-o-bū ko gulsitāñ samjhā thā maiñ

hai ek sāġhar-e-dil aur hazār-rañg kī mai
na ho jo ghar meñ to bāzār se mañgā ke piyūñ

hoñToñ par hai baat kaḌī ta.azīreñ bhī
ḳhāmoshī kā rañg huiiñ taqrīreñ bhī

kyuuñ be-rañg kiyā hai merī oḌhnī ko
tere ġham kī dhuup ne bharī javānī meñ

kab ek rañg meñ duniyā kā haal Thahrā hai
ḳhushī rukī hai na koī malāl Thahrā hai

mire najm-e-ḳhvāb ke rū-ba-rū koī shai nahīñ mire Dhañg kī
ye falak hai kisht-e-ġhubār sā ye zamīñ hai paanī ke rañg kī

mire baaġh meñ vo gulāb thā ki mahak rahā thā chaman chaman
vo jo gum huā to bikhar ga.e sabhī rañg huzn-o-malāl ke

mirī zindagī kī kitāb meñ yahī naqsh haiñ mah-o-sāl ke
vo shagufta rañg uruuj ke ye shikasta rañg zavāl ke

vo agar burā na māneñ to jahān-e-rañg-o-bū meñ
maiñ sukūn-e-dil kī ḳhātir koī DhūñDh luuñ sahārā

jahāñ meñ mujh se bhī nākām-e-ārzū kam haiñ
na rañg aah meñ hai aur na soz aah meñ hai

vo rañg rañg bahārāñ hai khultā rahtā hai
vo shāḳh shāḳh samar-var hai phaltī rahtī hai

rañg-rafta bhī dil ko khīñche hai
ek shab aur yaañ sahar dekho

haath se un ke Tapakte nahīñ mai ke qatre
ashk-e-ḳhūñ rotā hai ye rañg-e-hinā mere ba.ad

chāhne vāloñ kā kartā hai zamāna mātam
mātamī rañg meñ hai zulf-e-rasā mere ba.ad