Tags-Rang

ik lahar us kī aañkh meñ hai hausla-shikan
ik rañg us ke chehre pe bahkāne vaalā hai

gūñdh ke goyā pattī gul kī vo tarkīb banā.ī hai
rañg badan kā tab dekho jab cholī bhīge pasīne meñ

chāñd taare aur jugnū aur mirā rañg-e-hunar
ya.anī us ko yaad karnā us ko paiham dekhnā

be-sabātī chaman-e-dahr kī hai jin pe khulī
havas-e-rañg na vo ḳhvāhish-e-bū karte haiñ

is tamannā meñ ki ahl-e-dil mujhe tujh sā kaheñ
terā ik ik rañg ik ik Dhañg apnātā rahā

rañg-e-rusvā.ī sahī shahr kī dīvāroñ par
naam 'rāshid' kā ubharnā to abhī baaqī hai

chand sheroñ meñ kahāñ Dhaltī hai ehsās kī aag
ġham kā ye rañg nikharnā to abhī baaqī hai

fasl-e-be-barg kuchh aisī bhī to be-rañg nahīñ
dāstāñ ahd-e-bahārāñ kī sunāne vaale

ġhaur se dekh koī hai pas-e-tasvīr-e-ḳhizāñ
varna kis samt ga.e rañg jamāne vaale

badlā huā hai aaj mire āñsūo kā rañg
kyā dil ke zaḳhm kā koī Tāñkā udhaḌ gayā

ham bhī kabhī the yūsuf-e-kan.ān-e-rañg-o-bū
pīr-e-za.īf-o-pīr zan-o-pairhan se pūchh

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

har chand zaḳhm zaḳhm darīda-badan rahe
gul-rañg terī yaad ke sab pairahan rahe

dekhā tujhe to rañg pas-e-rañg thī nazar
ye silsile bhī dil ke chaman-dar-chaman rahe

zaḳhm har sañg hai us dast-e-hinā kā ham-rañg
ḳhuub us shoḳh kā andāz-e-pazīrā.ī hai

rut badalte hī na.e rañg ke manzar ubhre
kuchh parinde bhī na.ī mauj-e-havā meñ aa.e

yahāñ ke rañg baḌe dil-pazīr hue haiñ
dayār-e-ishq ke hākim faqīr hote haiñ

talavvun-e-aish-o-ġham se bāham zamīn ye nañg-e-āsmāñ hai
ki muñh se ham ḳhuun Dālte haiñ vo rañg-e-nau-roz uchhālte haiñ

rishta-e-rañg-e-jāñ mirā nik.hat-e-nāz se tirī
puḳhta huā aur is qadar ya.anī ki ḳhaam ho gayā