Tags-Rang

aql-o-hosh apne kā 'rañgīñ' ho gayā sab aur rañg
kishvar-e-dil meñ jab aa kar ishq ke thāne hue

vo jism ruuh ḳhalā āsmān hai kyā hai
ki rañg koī ho us se judā nahīñ miltā

vo ġhazal apnī sajātā thā lahū ke rañg se
phir bhī kahte haiñ 'nafas' us kā koī pesha na thā

uljhan tamām umr yahī thī ki ziist meñ
aa.e kahāñ se rañg ki ḳhushbū kahāñ se aa.e

piite haiñ surḳh-o-zard pyāle sharāb ke
kyā kyā haiñ auj-o-past meñ rañg āftāb ke

niile rañg meñ Duubī āñkheñ khulī paḌī thiiñ sabze par
aks paḌā thā āsmān kā shāyad is paimāne meñ

koī āvāz hai vo koī saaz hai us se hī rañg-o-nik.hat kā dar-bāz hai
jis taraf ho nazar vo rahe jalva-gar kaise socheñge ham phir kisī ke liye

paanī meñ rañg gholeñ us kā banā.eñ sharbat
peḌoñ pe chaḌh ke baiTheñ samjheñ use hī parbat

aa mujhe chhū ke harā rañg bichhā de mujh par
maiñ bhī ik shāḳh sī rakhtā huuñ shajar karne ko

aatā hai gar is abr meñ ai sāqī-e-gulfām
to bāda-e-gul-rañg se tū jaam bhare lā

tire jilau meñ baḌhī hai chaman kī shādābī
guloñ kā rañg tire husn ne nikhār diyā

rañg har phuul meñ hai husn-e-ḳhud-ārā.ī kā
chaman-e-dahr hai mahzar tirī yaktā.ī kā

zarā sī der bhī ruktā to kuchh patā chaltā
vo rañg thā ki thī ḳhushbū sahāb sā kyā thā

jaane kis rañg se rūThegī tabī.at us kī
jaane kis Dhañg se ab us ko manānā hogā

shoḳhī-e-qātil meñ hai bismil kā rañg-e-iztirāb
rañg bismil kī taḌap meñ shoḳhī-e-qātil kā hai

rañg laayā hai laḌakpan aap kā
nau-bahār-e-gulshan-e-ījād ho

us meñ jitnī girheñ thiiñ sab aab kī thiiñ
varna apne rañg meñ to āsāñ thī ḳhaak

jab ki be-rañg rahe baaġh bahāroñ meñ 'shahāb'
tere jañgal meñ khile phuul ḳhizāñ hote hue

'azm' is arsa-e-nā-murādī se ghabrā ke ye mat kaho
aisī be-rañg sī zindagī kis liye kis jazā ke liye

rañg hī se fareb khāte raheñ
ḳhushbueñ āzmānā bhuul ga.e