Collections

Lab Shayari

Motivational Ghazals

Best Khamoshi Shayari

More Collections

Tags-Rang

maile kapḌoñ kā apnā rañg bhī thā
phir bhī qismat meñ jag-hañsā.ī thī

maile kapDon ka apna rang bhi tha

har jihat mujhe pukārtī hai
har samt vo rañg-e-pairahan hai

har shaKH pe thi wafa ki qindil

har ek samt udāsī kā rañg thā 'shāhid'
vo jalva-sāz kabhī be-hijāb thā ki nahīñ

teri thaki hui aaankhon mein KHwab tha ki nahin

tū badal de na kahīñ jauhar-e-insāñ kā bhī rañg
ai zamāne ke lahū dekh na yuuñ josh meñ aa

chhup ke duniya se sawad-e-dil-e-KHamosh mein aa

ziist meñ rañg bhar ga.ī āḳhir
vo nazar kaam kar ga.ī āḳhir

zist mein rang bhar gai aaKHir

guloñ kā rañg phaloñ kī miThās rakhte haiñ
kuchh aadmī bhī shajar kā libās rakhte haiñ

jala jala ke diye pas pas rakhte hain

ek ḳhāke meñ rañg bharnā hai
ik kahānī magar chhupānī hai

aur kya umr ki kahani hai

na ḳhushbuoñ ko pata hai na rañg jānte haiñ
parind phūloñ se kaise kalām karte haiñ

wufur-e-shauq mein jab bhi kalam karte hain

vo merī anjuman par rañg barsāte haiñ kuchh aisā
ki har goshe kī ik ik shai nirālī hotī jaatī hai

ghaTa zulfon ki jab se aur kali hoti jati hai

kunj-e-nisyāñ meñ paḌe dhuñdlā ga.e us ke nuqūsh
ab to us ḳhush-rañg kī tamsīl hī mumkin nahīñ

ab adhure ishq ki takmil hi mumkin nahin

'riyāz' aur hī rañg meñ mast haiñ ab
sunā hai pyālā piyā hai kisī kā

agar un ke lab par gila hai kisi ka

kisī aur hī ke ghar ko kījiyo sayyād tū taz.īñ
ham apne ḳhuun hī se is qafas par rañg karte haiñ

buton ko faeda kya hai jo humse jang karte hain

kaliyāñ udaas phuul fasurda sabā ḳhamosh
ab ke chaman pe rañg-e-ḳhizāñ der tak rahā

har marg-e-arzu ka nishan der tak raha

ziist be-va.āda-e-anvār-e-sahar hai ki jo thī
zulmat-e-baḳht ba-har-rañg-o-nazar hai ki jo thī

zist be-waada-e-anwar-e-sahar hai ki jo thi

har rañg hai tere aage phīkā
mahtāb hai phuul chāñdnī kā

har rang hai tere aage phika

zulf-e-shab-rañg-o-chashm-e-sehr-andāz
ye bahut kuchh haiñ par yahī to nahīñ

hasil-e-zist ishq hi to nahin

zinda vahī rahegā jise ho shu.ūr-e-zīst
kahtī hai roz rañg badaltī huī havā

kya gul khilae dekhiye tapti hui hawa

bhāgte bhāgte sab rañg sameTe ham ne
vaqt kā pher hai tāḳhīr bhī ho saktī thī

zindagi husn se tabir bhi ho sakti thi

maiñ yuuñ udaas huuñ imshab ki jaise rañg-e-gulāb
ḳhizāñ kī chaap se be-sāḳhta utar jaa.e

tilism-zar-e-shab-e-mah mein guzar jae

phir phurere ban ke mere tan-badan kī dhajjiyāñ
shahr ke dīvār-o-dar ko rañg pahnāne lagīñ

dar-e-umid ke daryuza-gar