Tags-Rang

kis rañg suuñ lage hai kaf-e-pā kuuñ shoḳh kī
dil ḳhuun ho rahā hai hamārā hinā ke haath

bas hai itnī hī zamāna kī do-rañgī 'ātish'
mai-e-gul-rañg se labrez raheñ jaam safed

mai-e-gul-rañg se labrez raheñ jaam safed
chashm-e-bad-bīñ ko kare gardish-e-ayyām safed

rañg-e-zard-e-āshiqāñ kar sirf jā-e-zāfarāñ
is basantī-posh kī tasvīr khīñchā chāhiye

vo rañg rañg ke chhīñTe paḌe ki us ke ba.ad
kabhī na phir na.e kapḌe pahan ke niklā maiñ

is chashm-e-nīm-vā kī hai mastī sharāb meñ
sāġhar meñ saare rañg usī kī hayā ke haiñ

tirā rañg-e-basīrat hū-ba-hū mujh sā nikal aayā
tujhe maiñ kyā samajhtā thā magar tū kyā nikal aayā

muskurāne ke saath yaad rahe
qaus ke rañg TūTte bhī haiñ

vafādārī huī be-kār marnā khel aa Thahrā
ḳhudā jaane ki ab kyā rañg-e-ā.īn-e-vafā Thahre

kis kā rañg-e-ulfat kyā jame vaañ ye bhī mushkil hai
ki un ke dast o pā meñ ek dam rañg-e-hinā Thahre

aaj mākūs hai ā.īna-e-ayyām-e-jahāñ
niim meñ rañg-e-hinā zor-e-tapish bārish meñ

hazār rañg nigāhoñ meñ ghul ga.e 'shāhid'
agar kahīñ kisī gul-pairahan kī baat huī

ye bhī rahā hai kūcha-e-jānāñ meñ apnā rañg
aahaT huī to chāñd darīche meñ aa gayā

āñkheñ bujhā ke ḳhud ko bhulā ke aaj 'shanās' maiñ aayā huuñ
talḳh thiiñ lahjoñ kī barsāteñ rañg bhī kaḌve-kasīle the

jitne bhī mile rañg vo sab bhar diye tujh meñ
ik rañg-e-vafā aur hai lā.ūñ vo kidhar se

bas ek rañg hai dil meñ kisī ke hone se
ab apne-āp ko is se bhī saada kyā karnā

vo bahāne lage āñkhoñ se lahū ke aañsū
rañg le aa.ī hai ye merī vafā mere ba.ad

rañg bhī āḳhir utarne meñ to kuchh letā hai vaqt
husn āḳhir husn thā jis kā nasha rahnā hī thā

ajab sāqiyā gandumī rañg hai
ki partav se bantī hai dhānī sharāb