Tags-Rang

nazākat us gul-e-rānā kī dekhiyo 'inshā'
nasīm-e-sub.h jo chhū jaa.e rañg ho mailā

hoñ ek se sab hasīn kyūñkar
hai rañg judā kalī kalī kā

ye rañg gulāb kī kalī kā
naqsha hai kis kī kam-sinī kā

tujh se ai ashk māh-e-furqat ho
rañg kyā kyā falak badaltā hai

diida o dil meñ tire aks kī tashkīl se ham
dhuul se phuul hue rañg se tasvīr hue

vo rañg-e-kūcha-o-bāzār hai ki ab bastī
gharoñ se duur alag qatl-gāh māñgtī hai

rañg hī rañg thā shahr-e-jāñ kā safar
raah meñ jism kā hādsa bhī rahā

so ḳhuub jānte haiñ ki har ek rañg ke
'inshā' kī har ġhazal meñ haiñ ash.ār chaar pāñch

havā kā rañg ye hai āshiyāñ to ek taraf
qafas bhī shāḳh pe larzāñ hai dekhiye kyā ho

chaḌhā hai mohabbat kā rañg terī aisā
ki jaisā chaḌhā koī rañg phāgunī hai

nazar mirī aur hī taraf hai hazār rañg-e-zamāna badle
hazār bāteñ banā.e nāseh jamī hai dil meñ jo kuchh jamī hai

yuuñ kis tarah batā.ūñ ki kyā mere paas hai
tū bhī to koī rañg dikhā aur dekh le

raqs kartī haiñ ka.ī raushniyāñ kamre meñ
us kā chehra na kahīñ rañg badalne lag jaa.e

suroñ meñ kibr-o-ġhurūr kyuuñ hai diloñ ke shīshe ye rañg kyuuñ hai
ḳhudā-e-bartar tirī zamīñ par zamīñ kī ḳhātir ye jañg kyuuñ hai

ḳhudā-e-bartar tirī zamīñ par zamīñ kī ḳhātir ye jañg kyuuñ hai
har ek fat.h-o-zafar ke dāman pe ḳhūn-e-insān kā rañg kyuuñ hai

sochtā huuñ rañg kitne haiñ mire kirdār meñ
maiñ kabhī apnī tarah huuñ aur kabhī bilkul alag

larazte badan
rañg kohre meñ lipTe hue

qaabū ḳhizāñ se zo.af kā gulshan maiñ ban gayā
dosh-e-havā pe rañg-e-gul-o-yāsaman gayā

tum ne kab dekhā hai be-rañgī kā rañg
be nishānī kī nishānī aur hai