Tags-Rang

na barg-o-gul kī tamannā na rañg-o-bū kī havas
'sahāb' mujh ko ḳhizāñ sāz-gār aa.ī hai

asīr-e-ḳhāna-e-gulchīñ haiñ rañg-o-bū ai dost
ye kis ke ahd meñ aisī bahār aa.ī hai

numūd-e-rañg se begāna-vār aa.ī hai
ḳhizāñ kā bhes badal kar bahār aa.ī hai

vo raushnī meñ bhī hotā nahīñ kahīñ maujūd
jo rañg māh-e-mulāqāt se nikaltā hai

ik nigah kar ki kisī rañg pe Thahre ye hayāt
aañkh uThā aur shab-o-roz kī uljhan se nikāl

kyā jāneñ nazar aayā hai kyā rang-e-mohabbat
itnā kabhī muztar dil-e-muztar na huā thā

charāġh kī oT meñ rukā hai jo ik hayūlā sā yāsmīñ kā
ye rañg hai aur āsmāñ kā ye phuul hai aur hī zamīñ kā

sham-e-fānūs-e-talab har rañg meñ raushan rahe
ḳhūñ-fishānī ke maze lo gul-fishānī phir sahī

teġh-e-pur-ḳhūñ vo agar dho.e kanār-e-dariyā
ḳhanda-zan rañg-e-chaman par ho bahār-e-dariyā

terī āñkhoñ meñ jo nasha hai pazīrā.ī kā
rañg bhar de na mirī ziist meñ rusvā.ī kā

bāda-e-nāb kyā hai ḳhūn-e-jigar
zardī-e-rañg hai shab-e-mahtāb

mirī āñkheñ bahut vīrān hotī jā rahī haiñ
ḳhalā meñ rañg bharnā ab zarūrī ho gayā hai

vo rañg-e-gul to usī ḳhaak meñ ghulā thā kahīñ
magar mahak vo kahāñ hai mujhe nahīñ mālūm

pal pal rañg badaltī duniyā meñ ai dost
apne ḳhuun se to paanī bhī mahñgā hai

zard hāthoñ pe mohabbat kī lahū rañg-e-hinā
vaqt aayā to rachī aur rachī aap hī aap

āriz-e-raushan pe jab zulfeñ pareshāñ ho ga.iiñ
kufr kī gumrāhiyāñ ham-rañg-e-īmāñ ho ga.iiñ

haañ dhanak ke rañg saare khul ga.e
mujh pe tere sab ishāre khul ga.e

shafaq kā rañg gahrā kar ga.e aur
jo sho.ale mere kāshāne se nikle

har ghaḌī ek nayā rañg nayā aalam hai
zindagī hai tirī āñkhoñ ke ishāroñ kī tarah

dil ko bahlāte ho kyā kyā ārzū-e-ḳhām se
amr-e-nā-mumkin meñ goyā rañg-e-imkāñ dekh kar