Tags-Rang

vo hañstī āñkheñ hasīñ tabassum damaktā chehra kitāb jaisā
darāz qāmat hai sarv aasā hai rañg khilte gulāb jaisā

ġhair se khelī hai holī yaar ne
Daale mujh par dīda-e-ḳhūñ-bār rañg

aisā bātil tilism-e-rañg huā
munhadim qasr-e-nām-o-nañg huā

nāzish-o-asl-o-rañg ke afsūñ
ġhairat-e-nām-o-nañg ke afsūñ

is aab o rañg se bāhar bhī ik tamāshā hai
chale-chalo jo nazar kī sifāt se aage

aise ḳhush-rañg sarāboñ kā sahārā kab tak
muskurātā huuñ to detī hai tamannā ye sadā

rañg-e-ruḳh uḌne pe aaj jaa.e to roke na ruke
laakh vo raaz chhupā.eñ to chhupā.e na bane

tū hai rañg-e-nargis-o-nastaran hai tujhī se raunaq-e-anjuman
tire muntazir haiñ gul-o-saman to bahār ban ke chaman meñ aa

adhūre ḳhāke meñ rañg bhar luuñ ga.e dinoñ kā hisāb kar luuñ
magar jo tere baġhair guzre karūñ vo lamhe shumār kaise

ajiib rañg huā ab ke merī nagrī kā
ki jo bhī shahr meñ niklā vo be-amāñ niklā

sho.ala nahīñ shabnam bhī nahīñ
bas be-rañg javānī hai

faqat maiñ rañg hī bharne kā kaam kartā huuñ
ye naqsh to koī dard-e-nihāñ banātā hai

har ik nazar kī rasā.ī nahīñ ki dekh sake
hujūm-e-rañg hai ḳhāroñ meñ bhī guloñ kī tarah

vo jis kā rañg salonā hai bādaloñ kī tarah
girā thā merī nigāhoñ pe bijliyoñ kī tarah

husn har rañg meñ maḳhsūs kashish rakhtā hai
vo tabassum kī adā ho ki sitam-koshī ho

a bulbul-e-ḳhush-lahn ye shīrīñ suḳhanī dekh
sad-rañg-e-qabā dekh mirī gul-badanī dekh

maiñ naqsh-hā-e-ḳhūn-e-vafā chhoḌ jā.ūñgā
ya.anī ki rāz-e-rañg-e-hinā chhoḌ jā.ūñgā

rañg-e-mahfil to badlā nahīñ
laakh koshish maiñ kartā rahā

rañg-o-bū ne bhī saath chhoḌ diyā
rafta rafta tamām phūloñ kā

chaman meñ nāḳhun-e-har-barg-e-gul se bulbul kī
hazār rañg se uqda-kushā.iyāñ dekhīñ