Tags-Raqeeb

tanhā maiñ aur itne vahāñ haiñ mire raqīb
nāz-o-adā ġhamza-o-sharm-o-hayā lihāz

muñh lagne se raqīb ke ab sar chaḌhe haiñ sab
kar Daale us ko zab.h abhī intizām ho

raqīb-e-nafs kā mukh moḌtā rah
havā aur hirs ke ta.iiñ toḌtā rah

raqīb-e-rū-siyah khāvegā ab maar
mujhe tujh kaale kākul kī qasam hai

jo vo bole soi vo boltā hai
raqīb ab bhuut ho kar sar chaḌhā hai

raqīb apne upar hote haiñ maġhrūr
ġhalat jānāñ hai haq sab siiñ baḌā hai

laraztī kāñptī maiñ ḳhud se kahtī rahtī huuñ
maiñ milne jā.ūñ to kaise raqīb hai sardī

raag apnā gā hamārā zikr mat kar ai raqīb
jab satāvegā hameñ tab leñge ham ik dhol thaap

raqīb jam ke ye baiThā ki ham uThe nā-chār
ye patthar ab na haTā.e haTe hai kyā kiije

shāyad raqīb Duub mareñ bahr-e-sharm meñ
Dūbeñge mauj-e-ashk kī tuġhyāniyoñ meñ ham

āġhosh siiñ sajan ke haman kuuñ kiyā kanār
māruñgā is raqīb kuuñ chhaḌiyoñ se god god

tumhārī furqat meñ kyā milegā tumhāre milne se kiyā milegā
'qamar' ke hoñge hazār-hā ġham raqīb ko ik ḳhushī milegī

raqīb dekh sambhal kar ke sāmne aanā
barahna teġh haiñ ik dast-e-rozgār meñ ham

raqīb-e-rū-siyah ke haal kā gar mājrā pūchhe
to us ke sāmne jañgal se ik lañgūr le jaanā

dekhnā chāhte ho apnā raqīb
aa.ina de rahā huuñ lo dekho

roz lagtā hai tire kaan se jā jā ke raqīb
kasū kā itnā marātib na huā thā so huā

terī vafā kī laash pe lā maiñ hī Daal duuñ
resham kā ye kafan jo milā hai raqīb se

ḳhanjar raqīb kā thā to tadbīr dost kī
maqtal meñ 'zoyā' yaar kī shirkat ġhazab kī thī

kyā kareñ shikva tirī be-e.atidālī se raqīb
vo bulā.e bhī na aa.e aap mehmān ho ga.e