Collections

Lab Shayari

Motivational Ghazals

Best Khamoshi Shayari

More Collections

Tags-Raqeeb

tumhārī bazm meñ mahrūm-e-jām ham bhī the
faqat raqīb nahīñ tishna-kām ham bhī the

tumhaari bazm mein mahrum-e-jam hum bhi the

darguzar kar raqīb siiñ ai dil
be-hayā hai rijālā hai duuñ hai

dushman-e-jaan hai tishna-e-KHun hai

jab se mire raqīb kā rasta badal gayā
tab se mire nasīb kā naqsha badal gayā

jab se mere raqib ka rasta badal gaya

juuñ ḳhaar us se to nahīñ hote judā raqīb
mujh ko rasā.ī kyoñ ki ho us gul-ezār tak

jis ko ki dastaras hui daman-e-yar tak

shab-e-firāq raqīb aa ke de mujhe taskīñ
qasam ḳhudā kī ye sāzish bhī aap kī hogī

ye kya KHabar thi ki jab tum se dosti hogi

nāla-kashī raqīb se merī tarah muhāl hai
dil nahīñ hausla nahīñ zohra nahīñ jigar nahīñ

sang-e-jafa ka gham nahin dast-e-talab ka Dar nahin

maiñ bhī samjhī thī use dil ke qarīb
merī ma.asūm bahan merī raqīb

harjai

asar kiyā tapish-e-dil ne āḳhir us ko bhī
raqīb se bhī mirā zikr ġhā.ebāna huā

wo naznin ye nazakat mein kuchh yagana hua

raqīb qatl huā us kī teġh-e-abrū se
harām-zāda thā achchhā huā halāl huā

tere jalal se KHurshid ko zawal hua

pahuñchā hai shab kamand lagā kar vahāñ raqīb
sach hai harām-zāde kī rassī darāz hai

us sang-e-astan pe jabin-e-niyaz hai

Dil-e-pur-ġham raqīb rū-siyah dekhe nahīñ tujh ko
galī meñ us kī jā kar sāya-e-dīvār ho jaanā

sitam hai tere aashiq ke liye bimar ho jaana

us ke kūche meñ pukāregā agar mujh ko raqīb
maiñ bhī ayyār huuñ āvāz badal jā.ūñgā

uske kuche mein pukarega agar mujhko raqib

bhaḌkā thā raat dekh ke vo sho.ala-ḳhū mujhe
kuchh rū-siyah raqīb ne shāyad lagā.ī baat

hoti hai garche kahne se yaro parai baat

dauḌā huā jaatā hai raqīb us kī galī ko
yārab ye gire raste meñ dāmāñ se ulajh kar

shana to chhuTa zulf-e-pareshan se ulajh kar

jaur-e-raqīb o zulm-e-falak kā nahīñ ḳhayāl
tashvīsh ek ḳhātir-e-nā-mehrbāñ kī hai

kabe ki hai hawas kabhi ku-e-butan ki hai

us ko ghar se nikāl kar ḳhush ho
kyā 'hasan' thā raqīb kā matlab

mil gaya dil nikal gaya matlab

judā jo ham ko kare us sanam ke kūche se
ilāhī raah meñ aisā koī raqīb na ho

juda kisi se kisi ka gharaz habib na ho

mar jā.ūñ maiñ to jaao mubārak ho jān-e-man
allāh se mujhe tumheñ milnā raqīb se

phul apne wasf sunte hain us KHush-nasib se

ye jānte to shikve na karte raqīb ke
kahte haiñ terī zid se mileñge usī se ham

jate ho tum jo ruTh ke jate hain ji se hum

kuchh apne-āp se hī use kashmakash na thī
mujh meñ bhī koī shaḳhs usī kā raqīb thā

qadmon mein bhi takan thi ghar bhi qarib tha