Tags-Raqeeb

jalā rahe sham-e-bazm sā.īñ uThā ke pahlū se apne ham ko
raqīb ko misl-e-dil baġhal meñ miyān-e-mahfil biThālte haiñ

bahe raqīb ke aañsū bhī mere gāloñ par
ye sāneha bhī mohabbat meñ pesh aayā hai

kaun jaane ye tirā shā.er-e-āshufta-e-mizāj
kitne maġhrūr ḳhudāoñ kā raqīb aaj bhī hai

dil-e-zūd-ranj na kar gila kisī garm o sard raqīb kā
ruḳh-e-nā-sazā to hai rū-ba-rū pas-e-nā-sazā koī aur hai