Tags-Raqeeb

maiñ ḳhālī haath hī jā pahuñchā us kī mahfil meñ
mirā raqīb baḌe intizām se aayā

kyuuñ na hue āshiqī meñ ḳhauf raqīb
har safar meñ ḳhatar hai rahzan kā

mujh ko rotā huā dekheñ to jhulas jaa.eñ raqīb
aag paanī meñ bhī ai soz-e-jigar paidā kar

jo aaj aa.e ho mere ghar par to hai ye zikr-e-raqīb kaisā
na kījiye 'mashriqī' se sāhab ki haiñ ye sab nāgavār bāteñ

dil ko lagā.ūñ aur se maiñ tum ko chhoḌ duuñ
fiqra hai ye raqīb kā aur jhūTh baat hai

kitne shīrīñ haiñ tere lab ki raqīb
gāliyāñ khā ke be-mazā na huā

kashish vafā kī unheñ khīñch laa.ī āḳhir-kār
ye thā raqīb ko da.avā vo aa nahīñ sakte

kyā huā bahkā.e se tere bhalā ab ai raqīb
āḳhirash us ne hamārī baat maanī ho gayā

na deñge jaan ham kahne pe us ke
raqīb-e-rū-siyah kyuuñ tāntā hai

jiite raho kyuuñ hue raqīb ke haar
yahī siine meñ ḳhaar hai merā

sadme uThā.eñ rashk ke kab tak jo ho so ho
yā to raqīb hī nahīñ yā aaj ham nahīñ

lipaT lipaT ke maiñ us gul ke saath sotā thā
raqīb sub.h ko muñh āñsuoñ se dhotā thā

ajiib shai hai tarah-dār bhī tamannā bhī
raqīb-e-jāñ bhī hai qātil bhī hai masīhā bhī

shu.ūr o hosh o ḳhirad kā mo.āmla hai ajiib
maqām-e-shauq meñ haiñ sab dil o nazar ke raqīb

raqīb us shoḳh se jab garmiyāñ karte haiñ mahfil meñ
nahīñ qaabū meñ dil rahtā harārat aa hī jaatī hai

vo habīb ho ki rahbar vo raqīb ho ki rahzan
jo dayār-e-dil se guzre use ham-kalām kar lo

na chhoḌā maar bhī khā kar guzar galī kā tirī
raqīb ko mire da.avā hai be-hayā.ī kā

le mere tajraboñ se sabaq ai mire raqīb
do-chār saal umr meñ tujh se baḌā huuñ maiñ

raqīb o sheva-e-ulfat ḳhudā kī qudrat hai
vo aur ishq bhalā tum ne e'tibār kiyā

vahī shikva tujh ko raqīb kā vahī ronā apne nasīb kā
ye batā tū o dil-e-mubtalā tujhe aur bhī koī kaam hai