Tags-Raqeeb

rahe raqīb se bāham vo sīm-bar mahzūz
huā na aah kā apne kabhī asar mahzūz

ġhairat-e-raqīb kā shikva kar rahe ho tum
is muāmle meñ saḳht hai mizāj kyā karūñ

ye tez dhuup ye kāñdhoñ pe jāgtā sūraj
zamīñ buland hai utnī ki āsmāñ kī raqīb

ghar tere ga.e pe tujh kuuñ na paayā bilā raqīb
mujh ko huā ye gul ke evaz ḳhaar dekhnā

terī zambīl meñ har chaal purānī hai raqīb
mujh ko apnoñ se laḌā rakh ki maiñ jo huuñ so huuñ

ajī pheñko raqīb kā naama
na ibārat bhalī na achchhā ḳhat

kyuuñ kar raqīb aa.eñ na mahfil meñ aap kī
hai ḳhaar gul ke vāste gul ḳhaar ke liye

sharāb tark kī ham ne raqīb ke hāthoñ
lahū ke ghūñT piyeñ ham mudām ho na sakā

kyā ajab sūrat raqīb-e-rū-siyah kī dekh kar
ḳhauf se hālat huī ho paanī paanī aap kī

vo jise saare zamāne ne kahā merā raqīb
maiñ ne us ko ham-safar jaanā ki tū us kī bhī thī

na.e haiñ vasl ke mausam mohabbateñ bhī na.ī
na.e raqīb haiñ ab ke adāvateñ bhī na.ī

raqīb qatl huā us kī teġh-e-abrū se
harām-zāda thā achchhā huā halāl huā

māne-e-arz-e-tamannā kyuuñ na ho rashk-e-raqīb
un se ham kahne na paa.eñ un ke monis se kaheñ

kar chukā thā kaam afsūn-e-raqīb
aaj ham se un se parchhā ho gayā

tire dam se thiiñ sabhī raunaqeñ vo habīb the ki raqīb the
vo qarābateñ to ga.ī hī thiiñ vo riqābateñ bhī chalī ga.iiñ

ye tez dhuup ye kāñdhoñ pe jāgtā sūraj
zamīñ buland hai utnī ki āsmāñ kī raqīb

ye to mirā raqīb hai maiñ māntā nahīñ
kyuuñ dekhtā hai aap ko har baar aa.ina

ġhusse meñ raqīb aatā hai jab bhuut sā ban kar
paḌhtā huuñ maiñ jab dil meñ khaḌā na.at-e-alī chup

hai vaañ to nayā raqīb har dam
hone paate haiñ ham kahāñ ek

haal merā bhī jā-e-ibrat hai
ab sifārish raqīb karte haiñ