Collections

Lab Shayari

Motivational Ghazals

Best Khamoshi Shayari

More Collections

Tags-Raqeeb

kisī raqīb se miltī hai jab ḳhabar terī
tujhe pata hai mire dil pe kyā guzartī hai

ye zindagi to musalsal sawal karti hai

pūchhā thā bevafā to na paayā raqīb ko
maiñ ne bhī kis maze se kahā hai ki jī nahīñ

duniya mein koi ranj se baDh kar KHushi nahin

maiñ huuñ anā ke koh-e-falak-bos kā raqīb
mujh ko ravā nahīñ hai kisī ḳhār-o-ḳhas se jañg

imkan ki hadon se nikal kar bhi dekh lo

maqām-e-imtihāñ meñ dekh lenā ek din sāhab
raqīb-e-rū-siyah Thahregā kyā itnā samajhtā huuñ

kisi ke main libas-e-ariyat ko kya samajhta hun

dāġh-e-qamar se āḳhir jab āshnā huā maiñ
jitne raqīb paa.e un meñ na daaġh nikle

hai kya KHizan mein mumkin sahra mein bagh nikle

zikr us parī-vash kā aur phir bayāñ apnā
ban gayā raqīb āḳhir thā jo rāz-dāñ apnā

zikr us pari-wash ka aur phir bayan apna

mire raqīb se hañs kar kalām karte hue
guzar gayā hai vo mujh ko salām karte hue

mere raqib se hans kar kalam karte hue

raqīb jam ke ye baiThā ki ham uThe nā-chār
ye patthar ab na haTā.e haTe hai kyā kiije

raqib jam ke ye baiTha ki hum uThe na-chaar

raat ke vaqt mai piye saath raqīb ko liye
aa.e vo yaañ ḳhudā kare par na kare ḳhudā ki yuuñ

ghuncha-e-na-shagufta ko dur se mat dikha ki yun

kitne ḳhvāb TuuTe haiñ kitne chāñd gahnā.e
jo raqīb-e-zulmat ho ab vo āftāb aa.e

kitne KHwab TuTe hain kitne chand gahnae

raqīb saath hai aur zer-e-lab tabassum hai
ajab tarah se vo aayā hai dil dukhāne ko

chala hun ghar se main ahwal-e-dil sunane ko

mo.āmla ajiib sā ye dostoñ meñ ho gayā
raqīb jab se ban ga.e to yāriyāñ nahīñ rahīñ

wo raqs karti mausamon ki shoKHiyan nahin rahin

apnī to jhoñpaḌī meñ thiraktā nahīñ charāġh
jā kar kisī raqīb ke ghar raqs kījiye

qatre mein bhi chhupe hain bhanwar raqs kijiye

ye kin hadoñ meñ hamārā dil-e-ġharīb aayā
sahar kī chaap pe ḳhadsha huā raqīb aayā

ye kin hadon mein hamara dil-e-gharib aaya

ishq-e-jān-e-jahāñ nasīb huā
ik zamāna mirā raqīb huā

ishq-e-jaan-e-jahan nasib hua

abrū se ham shahīd mizha se raqīb huuñ
talvār idhar lagā.iye baan aur kī taraf

humse do-chaar bazm mein dhyan aur ki taraf

tārīf-e-husn-e-yār ne is ko kyā raqīb
rahbar bhī beach raste meñ ham se badal gayā

dil ishq mein tabah hua ya ki jal gaya

rahtā hai raqīb nit tere sañg
chhātī kā pahāḌ kyūñke jaave

mujh qabr se yar kyunke jawe

agar raqīb nahīñ hai to kaun hai vo shaḳhs
dikhā.ī detā hai jo āj-kal janāb ke saath

ye mai-kashi ka sabaq hai nae nisab ke sath

nā-chār iḳhtiyār kiyā sheva-e-raqīb
kuchh be-hayā.ī ḳhuub haiñ guzre hayā se ham

Darte hain chashm o zulf o nigah o ada se hum