Collections

Lab Shayari

Motivational Ghazals

Best Khamoshi Shayari

More Collections

Tags-Raushni

ai raushnī ke payambar ki ai naqīb-e-nūr
lahū se apne charāġhoñ kī pāsbānī kar

jo ho sake to kabhi itni mehrbani kar

yuuñ palak par jagmagānā do ghaḌī kā aish hai
raushnī ban kar mire andar hī andar phail jā

yun palak par jagmagana do ghaDi ka aish hai

dukh nahīñ hai ki jal rahā huuñ maiñ
raushnī meñ badal rahā huuñ maiñ

dukh nahin hai ki jal raha hun main

vo raushnī jo sitāroñ kā ḳhaas zevar hai
amiiq āñkhoñ meñ akasr dikhā.ī detī hai

mujhe sire se pakaD kar udheD deti hai

ab dhuñdlakoñ ke sahāre haiñ ġhanīmat 'mutrib'
raushnī fitrat-e-chañgez huī jaatī hai

talKHi-e-nau shakar-amez hui jati hai

maiñ mohabbat kī raushnī ban kar
vaqt kī kahkashāñ meñ rahtā huuñ

fikr-e-sud-o-ziyan mein rahta hun

na pūchh kitnī baḌī tīrgī ko paar kiyā
zarā sī raushnī ā.ankhoñ meñ bharne vaale ne

wo tez harf jo phenka guzarne wale ne

koī tāsīr to hai is kī navā meñ aisī
raushnī pahle na thī dil kī fazā meñ aisī

koi tasir to hai isko nawa mein aisi

ye raushnī ke ta.āqub meñ bhāgtā huā din
jo thak gayā hai to ab us ko muḳhtasar kar de

ye raushni ke taaqub mein bhagta hua din

vo aaj bhī haiñ usī tīrgī kī manzil meñ
ujālā maañg ke laa.e jo raushnī ke liye

kabhi kabhi to mohabbat ki zindagi ke liye

kiyā hai kaam baḌā zindagī meñ ashkoñ ne
diye jalā.e shab-e-ġham meñ raushnī ke liye

kabhi kabhi to mohabbat ki zindagi ke liye

maiñ ki din kā beTā huuñ raushnī ugaltā huuñ
kyā bhalā Darā.egī shab kī tīrgī mujh ko

zindagi ne baKHsha hai zahr-e-agahi mujhko

zindagī ne baḳhshā hai zahr-e-āgahī mujh ko
kar diyā gayā andhā de ke raushnī mujh ko

zindagi ne baKHsha hai zahr-e-agahi mujhko

tum aao gulshan-e-lahore se chaman-bardosh
ham aa.eñ subh-e-banāras kī raushnī le kar

dosti ka hath

nishān-e-zīst abhī kaise raushnī paa.e
ki tīrgī kā muqaddar meñ hai ijāra kuchh

khula hai tere badan ka bhi istiara kuchh

ye raushnī kā payambar hai is kī baat suno
sadāqatoñ ke sahīfe sunā rahā hai charāġh

lahu jala ke ujale luTa raha hai charagh

laboñ se uḌ gayā jugnū kī tarah naam us kā
sahārā ab mire ghar meñ na raushnī kā rahā

jo wo mere na rahe main bhi kab kisi ka raha

raat 'shāhīn' āñkhoñ meñ kaTne lagī
is tarah gum huī raushnī shaam meñ

ajnabi shahar ki ajnabi sham mein

kisī ne dīda-e-bīnā kī raushnī le lī
kahūñ maiñ kis se tirī is adā se kuchh na milā

suKHan-e-wapsin

ye raushnī mirī tahzīb kā hī hāsil hai
maiñ kaise halqa-e-ādāb se nikal aa.uuñ

madar-e-zat ke girdab se nikal aaun