Tags-Raushni

yuuñ na hotī sahar kī rusvā.ī
kaash khultā na raushnī kā bharam

galī-kūchoñ meñ jaltī raushnī ne
hasīñ shāmoñ ko shāmat kar diyā hai

aariz se us ke zulf meñ kyūñ-kar hai raushnī
zulmāt meñ to naam nahīñ āftāb kā

maiñ shukriya adā kartā huuñ sab raqīboñ kā
yahī añdhere mujhe raushnī banāte haiñ

mire liye to muqaddas haiñ vo sahīfe bhī
jo raushnī ke liye raushnī banāte haiñ

ye jo uḌtī huī sā.at-e-ḳhvāb hai kitnī mahsūs hai kitnī nāyāb hai
phuul palkoñ se chuntī huī raushnī aur maiñ ḳhushbueñ tahrīr kartā huā

ki jism-o-jāñ meñ ubaal aa.e
na ḳhvāb-zāroñ meñ raushnī thī

maiñ 'shāz' kyā kahūñ kyā raushnī thī rāhoñ meñ
vo āftāb na thā āftāb jaisā thā

mirī har ik baat thī haqā.eq kī raushnī meñ
ye jāntā thā zamāna mere ḳhilāf hogā

is zamīñ se āsmāñ tak hai balā kī raushnī
ban ke ātish dil jale to kyā kareñ kis se kaheñ

nadī paanī bahut roī
aqīda raushnī royā

ye jo tīrgī kā tilism hai yahī raushnī kā bhī ism hai
huā 'bāqar' aap ke qaul kā bhī shumār qaul-e-muhāl hai

koī ik chamak mire dil ko de ki safar hudūd-e-zamāñ kā hai
koī ek sā.at-e-raushnī mirī gardish-e-mah-o-sāl meñ

nazar bahkī hijāb uTThā huī ik raushnī paidā
phir us ke ba.ad bachnā kyā sambhalnā saḳht mushkil thā

sameT leñ mah o ḳhurshīd raushnī apnī
salāhiyat hai zamīñ meñ bhī jagmagāne kī

aap kī yaad kā bas ek diyā
hai bahut dil kī raushnī ke liye

vo shaḳhs kaun thā jis ke ḳhulūs-e-paiham ne
mirī hayāt ko sūraj sī raushnī de dī

kin shahīdoñ ke lahū ke ye farozāñ haiñ charāġh
raushnī sī jo hai zindāñ ke har ik rauzan meñ

vo raushnī ki ba-qaid-e-sahar nahīñ ai dost
tirā jamāl hai merī nazar nahīñ ai dost

raushnī din kī abhī hai ki haiñ kho.e hue hosh
dekhnā hai shab-e-tārīk meñ kyā hotā hai