English
Favourite
Favourite
UrduShayarUrduShayar
Expand menu
Sign inAccount

Tags-Relationship

maiñ tark-e-ta.alluq pe bhī āmāda huuñ lekin
tū bhī to mirā qarz-e-ġham-e-hijr adā kar
Sher
 main tark-e-talluq pe bhi aamada hun lekin
subūt miltā hai us se kisī ta.alluq kā
kamāl-e-barhamī-e-dost dushmanī to nahīñ
Ghazal
 jo mera hosh ka aalam hai be-KHudi to nahin
bichhaḌte dāmanoñ meñ phuul kī kuchh pattiyāñ rakh do
ta.alluq kī girāñbārī meñ thoḌī narmiyāñ rakh do
Ghazal
 bichhaDte damanon mein phul ki kuchh pattiyan rakh do
ta.alluq kisī se nahīñ ġhair-e-haq
ye aalam huā apnī tajrīd kā
Ghazal
 nahin motaqid jo tere did ka
yuuñ tark-e-ta.alluq kī qasam khaa.e hue hoñ
jaise mire siine meñ kisī aur kā dil hai
Sher
 yun tark-e-talluq ki qasam khae hue hon
ab us ko sochte haiñ aur hañste jaate haiñ
ki tere ġham se ta.alluq rahā hai kitnī der
Sher
 ab usko sochte hain aur hanste jate hain
charḳh aapas ke ta.alluq kā ye andāz bhī dekh
kar diyā un ko bhī rusvā mirī rusvā.ī ne
Ghazal
 husn ke jalwe luTae teri ranai ne
bahut ehsān jatāne se ta.alluq TuuT jaatā hai
bahut īsār-o-qurbānī ke jazbe maar dete haiñ
Ghazal
 rawayye mar dete hain ye lahje mar dete hain
ta.alluq toḌne meñ pahl mushkil marhala thā
chalo ham ne tumhārā bojh halkā kar diyā hai
Sher
 talluq toDne mein pahl mushkil marhala tha
mujh se nahīñ hai ḳhaas ta.alluq tumheñ to phir
auroñ kī tarah mujh se bhī hañs kar milā karo
Ghazal
 tum se ye kab kaha hai ki akasr mila karo
dasht ham tujh se ta.alluq ko nibhāte kaise
ham bhalā un kī galī chhoḌ ke jaate kaise
Ghazal
 dasht hum tujhse talluq ko nibhate kaise
chashm-e-hairat ko ta.alluq kī fazā tak le gayā
koī ḳhvāboñ se mujhe dasht-e-balā tak le gayā
Ghazal
 chashm-e-hairat ko talluq ki faza tak le gaya
hai qat-e-ta.alluq se dil ḳhush bhī bahut apnā
ik had hī banā lenā kab ham ko pasand aayā
Ghazal
 ek aalam-e-hijran hi ab hum ko pasand aaya
hai ġharīboñ kā amīroñ se ta.alluq itnā
jitnā hotā hai charāġhoñ kā sahar se rishta
Ghazal
 kaise samjhega sadaf ka wo guhar se rishta
hai ab to qat-e-ta.alluq kī ek hī sūrat
ḳhudā kare tū hameñ dekh kar na pahchāne
Ghazal
 hawas luT liye shorish-e-tamanna ne
tirī jafā kā ḳhudā silsila darāz kare
ki us se apnā ta.alluq bhī gaah gaah kā thā
Ghazal
 hamara un ka talluq jo rasm-o-rah ka tha
hamārā un kā ta.alluq jo rasm-o-rāh kā thā
bas us meñ saarā salīqa mire nibāh kā thā
Ghazal
 hamara un ka talluq jo rasm-o-rah ka tha
nibhā sakā na ta.alluq koī bhī maiñ 'fartāsh'
yahāñ hai kaun ki jis ko nahīñ gila mire saath
Ghazal
 wo apni zat mein gum tha nahin khula mere sath
ta.alluq ḳhatm to tum kar rahe ho
magar kuchh sulh kā imkān rakhnā
Ghazal
 KHuda par hi sada iman rakhna
ek raġhbat hai mai-e-nāb se 'qais'
ik ta.alluq hai ḳharābāt ke saath
Ghazal
 dil bahak jata hai barsat ke sath
Top Urdushayar.com