Tags-Relationship

mahrūm-e-tamāzat din shab meñ bhī nahīñ ḳhunkī
ye kaisā ta.alluq hai har baat adhūrī hai

arz-o-samā se koī ta.alluq na rābta
raas aa gayā hai mujh ko safar lā-javāb ek

kaisā rishta hai ta.alluq hai ye kaisā āḳhir
choT to dil pe lagī ho ga.iiñ ghāyal āñkheñ

is ta.alluq kā koī rañg na Dhalne paayā
tazkira sheroñ meñ ab bhī usī gulfām kā hai

ta.alluq aur tire ġham se ta.alluq
urūj-e-baḳht-e-'aḳhtar' pūchhnā kyā

vo mere ghar nahīñ aatā maiñ us ke ghar nahīñ jaatā
magar in ehtiyātoñ se ta.alluq mar nahīñ jaatā

mohabbat barmalā iz.hār hai sachche ta.alluq kā
agar koī kahe chhup kar

sun jānāñ ham tark-e-ta.alluq aur kisī din kar leñge
aaj tujhe bhī ujlat sī hai ham bhī kuchh ranjīda haiñ

ye bhī ik rasm-e-ta.alluq hai ba-qadr-e-āgahī
baat ka.abe kī jo aa.ī zikr-e-but-ḳhāna chalā

aap se apnā ik ta.alluq hai
ham nahīñ log vāste vaale

haiñ kis ke ta.alluq se mirī aañkh meñ aañsū
muTThī meñ sadaf kī ye guhar kis ke liye hai

kabhī to shāḳh-e-ta.alluq meñ phuul ā.eñge
kabhī to sard badan ko lahū pukāregā

chaman se kyuuñ na ta.alluq ho sūrat-e-shabnam
vo gir paḌā jo alā.eq kā baar le ke uThā

zamīneñ chāhiyeñ lambā ta.alluq kāsht karne ko
kahīñ rahne ko basne ko

rah jaa.e rañg-o-bū se ta.alluq tirā agar
phūloñ ko apne haath se chhū kar na dekhnā

ta.alluq un se TuuTā thā na TuuTā hai na TūTegā
bahut mazbūt zanjīr-e-vafā-dārī bhī hotī hai

kisī lamhe to ḳhud se lā-ta.alluq bhī raho logo
masā.il kam nahīñ phir zindagī bhar sochte rahnā

dāmān-e-dil se gard-e-ta.alluq ko jhāḌiye
juuñ sarv paañv bāġh-e-tajarrud meñ gāḌiye

vo rishte-nātoñ ko rasman nibhāne aayā thā
hameñ diloñ kā ta.alluq bahāl chāhiye thā

ye ham mohabbat meñ lā-ta.alluq se ho rahe haiñ tū dekh lenā
duā.eñ to ḳhair kaun degā salām mumkin nahīñ rahegā