Collections

Lab Shayari

Motivational Ghazals

Best Khamoshi Shayari

More Collections

Tags-Relationship

hamārā rabt-o-ta.alluq hai chand shāmoñ kā
shajar pe tā.ir-e-mausam kā āshiyāñ jaise

ye gard-e-rah ye mahaul ye dhuan jaise

kahāñ rote haiñ ham āġhāz-e-tansīḳh-e-ta.alluq par
jo khīñchī jā chukī hai us had-e-fāsil pe rote haiñ

ajab hain hum ye kis ki sai-e-la-hasil pe rote hain

ta.alluq jo palTā to jhagḌā banā
mohabbat jo badlī to kad ho ga.ī

jafa se wafa mustarad ho gai

ta.alluq hai na ab tark-e-ta.alluq
ḳhudā jaane ye kaisī dushmanī hai

ye kis ne dur se aawaz di hai

mujhe dair se ta.alluq na haram se āshnā.ī
kahīñ qashqa-e-numāish kahīñ sajda-e-riyā.ī

mujhe dair se talluq na haram se aashnai

jānāñ ga.e dinoñ kā ta.alluq bahāl kar
ā.īna ban gayā huuñ mirī dekh-bhāl kar

jaanan gae dinon ka talluq bahaal kar

kiyā hai tū ne jab tark-e-ta.alluq kā irāda
hameñ bhī faisla karne kī mohlat chāhiye hai

na daulat ki talab thi aur na daulat chahiye hai

umr bhar bojh uThāyā to nahīñ jā saktā
har ta.alluq ko nibhāyā to nahīñ jā saktā

umr bhar bojh uThaya to nahin ja sakta

na us se tark-e-ta.alluq kī baat kar paa.eñ
na hamdamī kā irāda hai kyā kiyā jaa.e

na tera qurb na baada hai kya kiya jae

chashm-o-lab se pahle ik tishna ta.alluq chāhtā huuñ
aur phir āsūdgī tasnīm-o-kausar se ziyāda

ek manzar iztirabi ek manzar se ziyaada

abhī Thahro
abhī se is ta.alluq kā koī unvān mat socho

mohlat

in ashkoñ kā dil se kyā ta.alluq
ye sho.ale jigar se aa rahe haiñ

in ashkon ka dil se kya talluq

sharīk-e-dard to kyā bā.is-e-aziyyat haiñ
vo log jin se ta.alluq thā jism o jaañ kī tarah

jafa mein nam nikalo na aasman ki tarah

hameñ hai ghar se ta.alluq ab is qadar baaqī
kabhī jo aa.e to do din ko mehmān kī tarah

jafa mein nam nikalo na aasman ki tarah

laboñ pe tark-e-ta.alluq kī baat aate hī
har ek zaḳhm pukārā abhī harā huuñ maiñ

wo KHamushi hai ki KHud se Dara hua hun main

us kī jānib se hī koshish meñ kamī thī varna
ab ke bhī tark-e-ta.alluq use khal jaanā thā

sath mausam ke hawa ko bhi machal jaana tha

kuchh to hai jis se hai baaqī tirī duniyā kā javāz
kam hī dekhe haiñ ta.alluq ko nibhāne vaale

wo hain tayyar imarat ko girane wale

naqd-e-ta.alluq ḳhuub kamāyā lekin ḳharch are tauba
ye to batāo kal kī ḳhātir kyā kuchh pas-andāz kiyā

phir suraj ne shahr pe apne qahr ka yun aaghaz kiya

chalo ki tark-e-ta.alluq kī baat ḳhatm huī
na tum ḳhushī se mile ho na ham ḳhushī se mile

mile bhi dost to is tarz-e-be-dili se mile

kaise kaTtī ye zanjīr-e-ta.alluq-e-taur
jab duniyā bhar kī vīrānī merī thī

kya bolun kaisi arzani meri thi