Collections

Lab Shayari

Motivational Ghazals

Best Khamoshi Shayari

More Collections

Tags-Relationship

makīnoñ ke ta.alluq hī se yaad aatī hai har bastī
vagarna sirf bām-o-dar se ulfat kaun rakhtā hai

makinon ke talluq hi se yaad aati hai har basti

niyāz-o-nāz bajā haiñ magar ye shart-e-visāl
hai sañg-e-rāh-e-ta.alluq ise haTā diije

ye tai hua hai ki qatil ko bhi dua dije

fareb-o-kizb dariyā se maiñ be-ta.alluq huuñ
ba-juz ḳhulūs-o-vafā kuchh bhī mere paas nahīñ

sahar ka nur hai taron ka inikas nahin

phir us ke ba.ad ta.alluq meñ fāsle hoñge
mujhe sambhāl ke rakhnā bichhaḌ na jā.ūñ maiñ

tere qarib rahun ya ki dur jaun main

ta.ayyun tasalsul hai naqsh-e-badan kā
usī se ta.alluq hai ye jān-o-tan kā

tayyun tasalsul hai naqsh-e-badan ka

kartā huuñ ḳhud hī mab.has o taqrīr se gurez
tark-e-ta.alluq aap se karnā to hai nahīñ

sauda-e-ishq yun bhi utarna to hai nahin

duniyā se ta.alluq kā sabab kis ko batā.ūñ
ab dost kahāñ dushman-e-jānī ke alāva

dariya mein bahut kuchh hai rawani ke alawa

vahī haram hai vahī but vahī pujārī haiñ
vahī diloñ kā ta.alluq hai somnāt ke saath

kise dimagh ki uljhe tilism-e-zat ke sath

ik ta.alluq thā ki shīshe kī tarah TuuT gayā
joḌ saktā hī nahīñ maiñ kisī sūrat meñ use

KHwab mein dekh raha hun ki haqiqat mein use

ta.alluq tum se jo bhī hai nahīñ ma.alūm kal kyā ho
chalo ye faisla apnā ḳhudā par chhoḌ dete haiñ

ho koi masala apna dua par chhoD dete hain

maiñ un ko kabhī had se guzarne nahīñ dūñgā
is tark-e-ta.alluq ko maiñ chalne nahīñ dūñgā

main un ko kabhi had se guzarne nahin dunga

yuuñ tark-e-ta.alluq na karo is se bhī 'shāhīñ'
kuchh achchhe marāsim nahīñ hālāt se aage

ek aur siyah raat hai is raat se aage

ek mazbūt ta.alluq hai shikasta 'manzar'
ḳhud ko barbād kiyā us ko sañvārā TuuTā

tumne dekha hai kabhi dil ye hamara TuTa

koī ta.alluq-e-ḳhātir to thā kahīñ na kahīñ
vo ḳhush-gumāñ na sahī bad-gumāñ to hotā rahā

main dasht-e-sher mein yun raegan to hota raha

jis ġham kā ta.alluq ho tujh se
vo raas nahīñ aur raas bhī hai

mayus to hun wade se tere

kabhī jo baat kahī thī tire ta.alluq se
ab us ke bhī ka.ī matlab nikāle jaate haiñ

safar mein aise kai marhale bhi aate hain

jab kisī dast-e-zuleḳhā se ta.alluq hī nahīñ
apne dāman ke kisī chaak se Dartā kyuuñ hai

kuchh nahin hone ke idrak se Darta kyun hai

aarzū ne kamāl pahchānā
aur ta.alluq ko taaq par rakkhā

tujhse wada aziz-tar rakkha

ik aisā ta.alluq jo ta.alluq bhī nahīñ thā
phir bhī maiñ jise apnā samajhtā thā vo tum the

ek KHwab laDakpan mein jo dekha tha wo tum the

hisāb-e-dostāñ karte to harf aatā ta.alluq par
uThā rakkhā use aur goshvāra rakh liyā maiñ ne

bikharti TuTti shab ka sitara rakh liya maine