Collections

Lab Shayari

Motivational Ghazals

Best Khamoshi Shayari

More Collections

Tags-Relationship

kuchh dil kā ta.alluq to nibhāo ki chalā maiñ
yā TuuT ke āvāz lagāo ki chalā maiñ

kuchh dil ka talluq to nibhao ki chala main

tark-e-ulfat hī nahīñ qat-e-ta.alluq bhī kyā
phir bhī jaatī nahīñ zālim ye mohabbat terī

ab na wo hum hain na wo pyar ki surat teri

dil-e-āvāra kyā pābañd-e-zanjīr-e-ta.alluq ho
na thā bas meñ kisī ke bhī havā ko qaid kar jaanā

bikharte TuTte lamhon ko apna ham-safar jaana

be-ta.alluq saare rishte kaun kis kā āshnā
saath saa.e kī tarah sab aur sab nā-āshnā

be-talluq sare rishte kaun kis ka aashna

jo log haiñ derīna rivāyāt ke qātil
tajdīd-e-ta.alluq ke azāboñ meñ mileñge

madhosh kahin gham ki sharabon mein milenge

ai paik-e-ajal tere hāthoñ āzād-e-ta.alluq ruuh huī
tā-hashr badal saktā hī nahīñ ham ne vo libās ab pahnā hai

mayus-e-azal hun ye mana nakaam-e-tamanna rahna hai

mujh se bhī kuchh huzūr ta.alluq thā aap kā
yuuñ be-muravvatī se na dāman chhuḌā.īye

thoDa sa muskura ke nigahen milaiye

raaz rakhte na ham is ta.alluq ko gar
log rote bahut log hañste bahut

koi rishta na ho phir bhi rishte bahut

vo jitne duur khiñchte haiñ ta.alluq aur baḌhtā hai
nazar se vo jo pinhāñ haiñ to dil meñ haiñ ayaañ kyā-kyā

wo jitne dur khinchte hain talluq aur baDhta hai

reg-e-sahrā se ta.alluq ko baḌhā detā hai
ḳhvāb meñ jab bhī vo dariyā nazar aatā hai mujhe

pahle chingari se ek shola banata hai mujhe

sadiyoñ ke ta.alluq kā gumāñ hone lagā thā
jab ki mirī us shaḳhs se nisbat bhī na.ī thī

tha pahla safar uski rifaqat bhi nai thi

sham-e-aivān-e-haram ho yā charāġh-e-tāq-e-dair
ham ko donoñ se ta.alluq hai ki haiñ parvāna ham

zabt se na-ashna hum sabr se begana hum

tumhāre mere ta.alluq kā log pūchhte haiñ
ki jaise faisla mere bayān se hogā

na tujhse hai na gila aasman se hoga

ḳhaak se joḌ liyā hai vo ta.alluq ki hameñ
raas aatī nahīñ shams-o-qamar kī bāteñ

pyar isar wafa sher-o-hunar ki baaten

un se ai dost mirā yuuñ koī rishta to na thā
kyuuñ phir is tark-e-ta.alluq se pashemān thā maiñ

nau-ba-nau ek umaDta hua tufan tha main

hamāre un ke ta.alluq kā ab ye aalam hai
ki dostī kā hai kyā zikr dushmanī bhī nahīñ

ghamon se khelte rahna koi hansi bhi nahin

vafā kī baat na kar ḳhvāhisheñ bachā apnī
mujhe aziiz ta.alluq tujhe javānī hai

udas rut mein tere baad ki kahani hai

vo ta.alluq bhī mustaqil nahīñ thā
ye mohabbat bhī dā.imī nahīñ hai

baat dil ko mere lagi nahin hai

baap daadā ke hī nusḳhe meñ hai apnī bhī shifā
ham ko derīna ta.alluq ḳhāna-dāmādī se hai

nam se gandhi ke chiDh bair aazadi se hai

ḳhvāb-e-ġhaflat se vahī nisbat hai merī qaum ko
āshiqoñ kā jo ta.alluq dil kī barbādī se hai

nam se gandhi ke chiDh bair aazadi se hai