Tags-Relationship

jo joḌ detā ta.alluq ke sab ravābit ko
hamāre biich koī aisā silsila kab thā

na koī dushman na dost apnā na nek-o-bad se hameñ ta.alluq
jo chashm-e-vahdat se ham ne dekhā na kuchh burā hai na kuchh bhalā hai

tum tark-e-ta.alluq ko kyuuñ chehre pe likh laa.e
tum ne to kahā ye thā ye raaz na khologe

maiñ tum se tark-e-ta'alluq kī baat kyuuñ sochūñ
judā na jismoñ se 'anzar' kabhī bhī saa.e hue

shahr itnā bhī na kar zulm ki zid par aa jā.ūñ
merā sahrā se ta.alluq abhī TuuTā nahīñ hai

ta.alluq ab yahāñ kam hai mulāqāteñ ziyāda
hujūm-e-shahr meñ har shaḳhs tanhā ho gayā hai

be-ta.alluq sā paḌā thā mausamoñ ke sāmne
sabz patta koī apnī shāḳh se TuuTā huā

maiñ hī ġhamgīn nahīñ tark-e-ta.alluq pe 'kamāl'
vo bhī nāshād thā us ko bhī fasurda dekhā

apnī ik pahchān dī aa.ī ga.ī bātoñ meñ us ne
aaj vo apne ta.alluq se bhī baḌh kar sāmne thā

chāñd ko DhūñDeñgī āñkheñ phir na sūraj ko 'rashīd'
chāñd-sūraj se ta.alluq dūsrā ho jā.egā

jo tark-e-ta.alluq pe bhī jaatī nahīñ dil se
vo dil kī lagī baat idhar bhī hai udhar bhī

tire kūche se ab merā ta.alluq vājibī sā hai
magar jab bhī guzartā huuñ to āñkheñ bhiig jaatī haiñ

dīvāne ko zanjīr se gahrā hai ta.alluq
kyuuñ us ko tirī zulf kā saudā na rahegā

asnām se derīna ta.alluq kī badaulat
maiñ kufr kā har daur meñ īmān rahā huuñ

ta.alluq kī yahī sūrat rahegī kyā hamesha
maiñ ab uktā chukā huuñ terī is vāraftagī se

ajiib us se ta.alluq hai kyā kahā jaa.e
kuchh aisī sulh nahīñ hai kuchh aisī jañg nahīñ

ham ko le de ke ta.alluq hī bachā hai terā
is ko mashkūk na kar bā.is-e-tohmat na banā

us ke vādoñ se itnā to sābit huā us ko thoḌā sā pās-e-ta.alluq to hai
ye alag baat hai vo hai vāda-shikan ye bhī kuchh kam nahīñ us ne vaade kiye

husn kā dil se ta.alluq dā.imī hai garm hai
varna kis kā kis se hai rishta koī naatā koī

jab dil ko ta.alluq na rahā kū-e-sanam se
ye kashmakash-e-tark-o-talab kis ke liye hai