Collections

Lab Shayari

Motivational Ghazals

Best Khamoshi Shayari

More Collections

Tags-Relationship

tū bhī iz.hār-e-ta.alluq ke sabab DhūñDtā hai
shiddat-e-shauq se joyā-e-razā huuñ maiñ bhī

ek muddat se sar-e-dosh-e-hawa hun main bhi

ek koshish ki ta.alluq koī baaqī rah jaa.e
so tirī chāragarī kyā mirī bīmārī kyā

halqa-e-be-talaban ranj-e-giran-bari kya

be-ta.alluq sī fazā hogī rah-e-ġhurbat meñ
koī apnā hī milegā na parāyā hogā

dhup mein gham ki mere sath jo aaya hoga

haqīqat itnī hai us ke mire ta.alluq kī
kisī ke dukh the mire naam intisāb hue

tumhaare ishq mein kis kis tarah KHarab hue

ranj kyā vasl-e-adū kā jo ta.alluq hī nahīñ
mujh ko vallāh hañsātā hai rulānā terā

le chala jaan meri ruTh ke jaana tera

qarār-e-tarq-e-ta.alluq thā so nibhāyā bhī
sharāb chhoḌ dī maiñ ne magar gilās nahīñ

main tumko soch raha hun magar udas nahin

kar chuke tark-e-ta.alluq to use sochnā kyā
dil se niklā hai to vo yaad bhī kyuuñ kar aa.e

dekhiye kitne suKHan-fahm suKHan-war aae

har koī tark-e-ta.alluq par musir hai ab 'ḳhayāl'
aa mire dil tū bhī aa jā kis kā dhaḌkā rah gayā

is KHizan ki rut mein apna sath achchha rah gaya

rishtoñ kā ik hujūm thā kahne ko ās-pās
jab vaqt aa paḌā to ta.alluq simaT ga.e

aangan se hi KHushi ke wo lamhe palaT gae

maiñ ne sunā hai tark-e-ta.alluq ke ba.ad se
afsurda gar nahīñ to vo masrūr bhī nahīñ

majbur hain par itne to majbur bhi nahin

ab kahāñ jaa.eñ ki us se bhī ta.alluq na rahā
apnā ghar yaad nahīñ band haiñ maiḳhāne bhī

yun to is bazm mein apne bhi hain begane bhi

ik ta.alluq qadam ko raah se hai
maiñ na āvāra huuñ na ḳhāna-ba-dosh

phirti hai zindagi janaza-ba-dosh

zindagī bhar kī kamā.ī ye ta.alluq hī to hai
kuchh bache yā na bache is ko bachā rakhte haiñ

zindagi bhar ki kamai ye talluq hi to hai

ġhazal kah kar ġham-e-jānāñ se 'anjum'
ta.alluq aur gahrā ho gayā hai

tajassus kahe ka kya ho gaya hai

beḌiyāñ vahm-e-ta.alluq kī na.ī pahnā ga.e
dost aa kar kāTte zanjīr tanhā.ī to kyā

mil sakegi ab bhi dad-e-abla-pai to kya

go koī vaj.h-e-ta.alluq bhī nahīñ
maiñ kahīñ dhyān kahīñ rahtā hai

KHaksaron se qarin rahta hai

subūt māñgte haiñ vo mirī vafā kā 'jalāl'
har ik se tark-e-ta.alluq kiyā hai jin ke liye

subut mangte hain wo meri wafa ka jalal

achchhā huā ki tark-e-ta.alluq hī kar liyā
āñkhoñ ko intizār kī zahmat nahīñ rahī

logon ke pas dard ki daulat nahin rahi

be-ta.alluq hī sahī ye magar us shaḳhs ke paas
dil jo lagtā hai to lagne kā sabab bhī hogā

shauq-e-warafta ko malhuz-e-adab bhi hoga

yuuñ muskurā ke tark-e-ta.alluq kī guftugū
aisā sitam ki jis pe karam kā gumāñ rahe

shikwa na ho tasalsul-e-ah-o-fughan rahe