Collections

Lab Shayari

Motivational Ghazals

Best Khamoshi Shayari

More Collections

Tags-Relationship

maiñ tum se tark-e-ta'alluq kī baat kyuuñ sochūñ
judā na jismoñ se 'anzar' kabhī bhī saa.e hue

main tum se tark-e-talluq ki baat kyun sochun

jo phuul se bhī halkā ta.alluq thā in dinoñ
lagne lagā hai koh girāñ-bār kī tarah

ek pur-kashish kahani ke kirdar ki tarah

husn o ishq kā soz-e-ta.alluq samtoñ kā pāband nahīñ
akasr to ḳhud sham.a kā sho.ala baḌh ke gayā parvāne tak

apni talab ka nam Dubone kyun jaen mai-KHane tak

pareshāñ ho ke dil tark-e-ta.alluq par hai āmāda
mohabbat meñ ye sūrat bhī na raas aa.ī to kyā hogā

mere shanon pe unki zulf lahrai to kya hoga

ta.alluq dil kā kyā baaqī maiñ rakkhūñ bazm-e-duniyā se
vo dilkash sūrateñ ab anjuman-ārā nahīñ hotīñ

dil-e-mayus mein wo shorishen barpa nahin hotin

ye alag baat ki tajdīd-e-ta.alluq na huā
par use bhūlnā chāhūñ to zamāne lag jaa.eñ

ye alag baat ki tajdid-e-talluq na hua

agar ho vaj.h-e-ta.alluq to ham se duur raho
koī bhī fāsla ham darmiyāñ na rakkheñge

zamin ke baad hum ab aasman na rakkhenge

be-ta.alluq zindagī hone kā thā imkāñ hī kyā
zindagī zulf-e-ta.alluq thī muqaddar shāna thā

wo bhi kya din the ki jab us ka mera yarana tha

ġhazab to ye hai muqābil khaḌā hai vo mere
ki jis se merā ta.alluq hai ḳhuuñ ke rishte kā

koi bhi naqsh salamat nahin hai chehre ka

vallāh tujh se tark-e-ta.alluq ke ba.ad bhī
aksar guzar ga.e haiñ tirī rah-guzar se ham

is darja bad-guman hain KHulus-e-bashar se hum

toḌ kar aaj ġhalat-fahmī kī dīvāroñ ko
dosto apne ta.alluq ko sañvārā jaa.e

toD kar aaj ghalat-fahmi ki diwaron ko

aisī bhī koī ḳhaas ta.alluq kī fazā ho
mahfil meñ jab us kī na rahūñ aur rahūñ bhī

girti hai to gir jae ye diwar-e-sukun bhi

umr bhar kaun nibhātā hai ta.alluq itnā
ai mirī jaan ke dushman tujhe allāh rakkhe

har koi dil ki hatheli pe hai sahra rakkhe

go tark-e-ta.alluq meñ suhulat bhī bahut thī
lekin na huā ham se ki ġhairat bhī bahut thī

har-chand gham-o-dard ki qimat bhi bahut thi

pareshāñ ho ke dil tark-e-ta.alluq par hai āmāda
mohabbat meñ ye sūrat bhī na raas aa.ī to kyā hogā

pareshan ho ke dil tark-e-talluq par hai aamada

qat.a kiije na ta.alluq ham se
kuchh nahīñ hai to adāvat hī sahī

qata kije na talluq humse

duniyā vāloñ se ta.alluq nahīñ rakkhā maiñ ne
mujh ko duniyā se ġharaz kyā mirī duniyā tum ho

kya bataun ke mere waste kya kya tum ho

dil ne jab qaid-e-ta.alluq se rihā.ī māñgī
qurbatoñ ke liye kuchh aur bahāne nikle

dil mein zaKHmon ki nai fasl ugane nikle

be-ta.alluq rahe barsoñ to koī baat bhī thī
in dinoñ tum se na milne kā sabab kuchh bhī nahīñ

sans ukhDi hui sukhe hue lab kuchh bhi nahin

mashriq se ta.alluq hai na maġhrib se connection
fashion ne hilā Daalī hai buniyād hamārī

baDhti rahi har sal jo tadad hamari