Tags-Relationship

kaaT dī vaqt ne zanjīr-e-ta.alluq kī kaḌī
ab musāfir ko koī rokne vaalā bhī nahīñ

ga.ī rutoñ kā ta.alluq bhī jān-levā thā
bahut se phuul na.e mausamoñ meñ marne lage

huā na qurb-e-ta.alluq kā iḳhtisās yahāñ
ye rū-shanās zi-rā-e-ba.īda aayā thā

sulūk-e-husn-e-ta.alluq bane ye hañgāma
ki har taraf se burīda ramīda aayā thā

ik ta.alluq thā jise aag lagā dī us ne
ab mujhe dekh rahā hai vo dhuāñ hote hue

quvvat-e-parvāz pā kar bhī kahāñ jaatā parind
us ke uḌne kā ta.alluq kuchh to mere ghar se thā

ḳhvāh koī bohtān tarāsho yā aa.ed ilzām karo
tark-e-ta.alluq se pahle kuchh aur hameñ bad-nām karo

har ta.alluq kā hai kuchh maqsad 'sahar'
kaun suntā hai kisī lāchār kī

hai farq baḌā ai jān-e-'razā' dil dene meñ dil lene meñ
ulfat kā ta.alluq jaan ke bhī rishte kī nazākat kyā jaano

ta.alluq ruuh se mujh ko jasad kā nā-gavārā hai
zamāne meñ chalan hai chaar din kī āshnā.ī kā

ḳhush-gumāñ har aasrā be-āsrā sābit huā
zindagī tujh se ta.alluq khokhlā sābit huā

hamāre darmiyāñ
jo ik ta.alluq hai

vo mohabbat kā ta.alluq ho ki nafrat kā 'nadīm'
rābte ziist ko ḳhalvat nahīñ banñe dete

jab ta.alluq na koī baaqī ho
kis tarah se vafā kare koī

mujhe manzūr gar tark-e-ta'alluq hai razā terī
magar TūTegā rishta dard kā āhista āhista

ye ta.alluq hī mujh ko kyā kam hai
aap ke āstāñ pe sar ḳham hai

ham haiñ sūkhe hue tālāb pe baiThe hue hañs
jo ta.alluq ko nibhāte hue mar jaate haiñ

dast-e-junūñ ne qaid-e-ta.alluq se dī najāt
pahuñchā na ek ta-ba-gulū pairahan durust

kuchh 'jaun' qabīle se nahīñ terā ta.alluq
har laḌkī yahāñ fāriha-zādī hai chalā jā

ruuTh jaate to manānā koī dushvār na thā
vo ta.alluq hī na rakkheñ to manā.eñ kis ko