Collections

Lab Shayari

Motivational Ghazals

Best Khamoshi Shayari

More Collections

Tags-Relationship

kuchh der ko ḳhush kar ke chale saare jahāñ ko
kyā apnā ta.alluq bhī tamāshoñ kī tarah thā

bahte hue dariya ke kinaron ki tarah tha

ta.alluq hī nahīñ hai jin se merā
maiñ un ḳhadshāt meñ rakkhā huā huuñ

talluq hi nahin hai jin se mera

be-niyāzī bhī vahī aur ta.alluq bhī vahī
tumheñ aatā hai mohabbat meñ ḳhudā ho jaanā

sar-ba-sar yar ki marzi pe fida ho jaana

baḌā ilzām Thahrā hai ta.alluq rishta-dārī kā
qarābat kī mohabbat bad-gumānī hotī jaatī hai

mohabbat bais-e-na-mehrbani hoti jati hai

vo ta.alluq tujh se hai dil ko ki ai marg-e-azīz
raah meñ āñkheñ bichhā terā ishāra DhūñDhnā

aasman-e-yas par khoya sitara DhunDhna

jabīñ saa.il thī nādim hai magar ai sajda-e-āḳhir
mirī mahrūmiyoñ se be-ta.alluq āstāñ kyuuñ ho

kisi ke shikwa-ha-e-jaur se waqif zaban kyun ho

ye ta.alluq kī ḳharāsheñ bhī mazā detī haiñ
ruuTh jaa.e koī tum se to manāyā na karo

kaun kahta hai ki mahrumi ka shikwa na karo

use mujh se bas itnā hī ta.alluq hai ki har raat
charāġh-e-jism apnā pesh-e-ā.īna jalānā

charagh-e-shahr se sham-e-dil-e-sahra jalana

dil ko nā-manzūr thī tasvīr sī jhūTī davā
tai huā tark-e-ta.alluq hijr kā pahlā ilaaj

jazb hota ja raha hai dil mein dard-e-la-ilaj

be-ta.alluq tire aage se guzar jaatā hai
ye bhī ik husn-e-talab hai tire dīvāne kā

be-talluq tere aage se guzar jata hai

meñ chāhtā huuñ ta.alluq ke darmiyāñ parda
vo chāhtā hai mire haal par nazar karnā

mein chahta hun talluq ke darmiyan parda

ham se hotī nahīñ tash.hīr-e-ta.alluq be-kār
qīmtī shai sar-e-dīvār sajāne se rahe

maslahat-kosh na the KHwab jalane se rahe

nahīñ aatā ġhazal meñ naam koī
ta.alluq is qadar bā-ābrū hai

jahan mein jis ki shohrat ku-ba-ku hai

hameñ tark-e-ta.alluq bhī gavārā
zamāna kab magar chipkā rahegā

bhala kab tak koi tanha rahega

ilzām thā diye pe na taqsīr raat kī
ham ne to bas havā ke ta.alluq se baat kī

ilzam tha diye pe na taqsir raat ki

ahl-e-vafā se tark-e-ta.alluq kar lo par ik baat kaheñ
kal tum in ko yaad karoge kal tum inheñ pukāroge

kis ko par utara tumne kis ko par utaroge

vo be-ḳhudī thī mohabbat kī be-ruḳhī to na thī
pe us ko tark-e-ta.alluq ko ik bahāna huā

salim dil ko mayassar sakun zara na hua

is hādse se merā ta.alluq nahīñ koī
mele meñ ek saath ka.ī bachche kho.e the

soe kahan the aankhon ne takiye bhigoe the

vo karam ho ki sitam ek ta.alluq hai zarūr
koī to dard-e-mohabbat kā amiiñ hotā hai

wo karam ho ki sitam ek talluq hai zarur

be-yaqīnī kā ta.alluq bhī yaqīñ se niklā
merā rishta vahī āḳhir ko zamīñ se niklā

be-yaqini ka talluq bhi yaqin se nikla