Tags-Rind

maiñ aisā rind-e-balā-nosh mai-kade kā tire
mire liye mai-e-jām-o-subū utartī hai

kaho sabā se ki baiThe haiñ riñd jām-ba-kaf
chaman meñ qāfila-e-nau-bahār le ke chale

DaTe mil ke riñd-e-siyah-mast jis dam
jhukī mai-kade par ghaTā kaalī kaalī

riñd ke mashrab par ai zāhid tabassum mat kare
bhed us kā kuchh na pāvegā tū hai ma.anī se duur

maiñ agarche riñd huuñ to aap ko maiñ aap ko
zohd se tere mujhe matlab na kuchh kār-e-zarūr

zindān-e-bazm-e-shauq meñ aise bhī riñd haiñ
tishna rahe jo pī ke samundar sharāb ke

bahut se riñd bhī dekhe bahut se zāhid bhī
unheñ to piir hamesha inheñ javāñ dekhā

riñd-mashrab koī 'beḳhud' sā na hogā vallāh
pī ke masjid hī meñ ye ḳhāna-ḳharāb aatā hai

rind masjid meñ ga.e to uñgliyāñ uThne lagīñ
khil uThe mai-kash kabhī zāhid jo un meñ aa ga.e

yaad aa.ī kis kī aañkh ki riñd uTh khaḌe hue
paimāna toḌ kar mai o mai-ḳhāna chhoḌ kar

riñd muflis jigar meñ aah nahīñ
jaan mahzūñ hai aur kyā hai yaañ

jaatā hai koī ka.abe ko aur koī sū-e-dair
mujh riñd kī hai ḳhāna-e-ḳhummār tak pahuñch

mirī nigāh meñ vo riñd hī nahīñ saaqī
jo hoshiyārī o mastī meñ imtiyāz kare

abhī raat kuchh hai baaqī na uThā naqāb saaqī
tirā rind girte girte kahīñ phir sambhal na jaa.e

bazm-e-doshīñ ko karo yaad ki is kā har rind
raunaq-e-bār-gah-e-pīr-e-muġhāñ guzrā hai

duḳhtar-e-raz to hai beTī sī tire uupar harām
riñd is rishte se saare tire dāmād haiñ shaiḳh

kahīñ ik riñd aur vāmāñda-e-afkār tanhā.ī
kahīñ mahfil kī mahfil taur se be-taur hai saaqī

khisak bhī jā.egī botal to pakḌe jā.eñge riñd
janāb-e-shaiḳh lage aap kyuuñ qasam khāne

kabhī sharābī kabhī namāzī kabhī huuñ maiñ rind-gāh zāhid
ḳhudā kā Dar hai butoñ kā khaTkā ajab tarah ke azaab meñ huuñ

rind buḳhl-e-sāqī par kis qadar the kal barham
mai-kada hai aaj apnā aur tañg dāmāñ hai