Tags-Rind

sū-e-mai-ḳhāna chaleñ riñd na kyuuñ jām-ba-dast
sar-e-mai-ḳhāna jo ghanghor ghaTā chhā.ī hai

phir 'mubārak' vahī ghanghor ghaTā.eñ aa.iiñ
jānib-e-mai-kada phir rind-e-qadah-ḳhvār chale

be-piye chaltā hai yuuñ jhuum ke vo mast-e-shabāb
jis tarah pī ke koī rind-e-qadah-ḳhvār chale

charḳh kyā utar aayā aaj farsh-e-gītī par
riñd bhī haiñ chakkar meñ mai-kada bhī chakkar meñ

hoñ vo riñd yā suufī mast us kī dhun meñ haiñ
jaane kitne mai-ḳhāne bhar diye haiñ kausar meñ

qalandaroñ ne ulaT dī bisāt-e-mai-ḳhāna
na riñd se huā aur kuchh na pārsā se huā

mun.im ke paas qāqum o sanjāb thā to kyā
us rind kī bhī raat guzar ga.ī jo uur thā

pilā de muft mujhe ai saḳhī ke laal sharāb
ġharīb-e-riñd huuñ merī girah meñ daam nahīñ

koī to ta.abīr batā.e ḳhvāb ik maiñ ne dekhā hai
masjid ko sab riñd chale aur shaiḳh chale maiḳhāne ko

vo rind-e-ḳharābāt apnā 'sahar'
sunā hai ki ab pārsā ho gayā

kuchh kaam nahīñ mai se go ishq hai us shai se
maiñ riñd 'riyāz' aise dāman bhī na tar dekhā

fitrat-e-bāda-e-rañgīñ meñ nahīñ kaif o nashāt
rind haiñ morid-e-ilzām ilāhī tauba

'kaifī' ko riñd jaan ke jaane nahīñ diyā
hai bārgāh-e-ḳhās meñ vo bāryāb kab

paimānoñ se piite haiñ piyeñ rind-e-ḳharābāt
tū mujh ko nigāhoñ se pilāne ke liye aa

jo banā hai ārif-e-bā-ḳhudā ye vahī 'zahīr' hai be-hayā
vo jo rind-e-ḳhāna-badosh thā tumheñ yaad ho ki na yaad ho

'dānish' ka.ī nasheb-e-nazar se guzar ga.e
har riñd aa.ine kī tarah mai-kade meñ thā

raqsāñ the riñd jaise bhañvar meñ shafaq ke phuul
jo paañv paḌ rahā thā baḌe qā.ede meñ thā

ajab hai 'sālik' bhī riñd-mashrab ki chhoḌ baiThā hai millateñ sab
na māntā hai kisī kā maz.hab na hai ye pāband apne diiñ kā

vo rind-e-bāda-kash huuñ ki 'mā.il' pas-e-fanā
jalve ne tire qahr uThāyā naqāb meñ

har koī shahr meñ phirtā hai salāmat-dāman
riñd mai-ḳhāne se shā.ista-ḳhirām aatā hai