Tags-Rind

tishna-labī kuchh aur baḌhī hai mai-ḳhvārī kī dhuum machī hai
āḳhir ham se riñd-e-balā-kash kaise pyaas bujhā.eñ aap

rind-o-zāhid shaiḳh-o-sūfī sab ke sab tishna hī the
kis ko dete mai-kada jab mo'atabar koī na thā

zahe hayāt tabī.at hai e'tidāl pasand
nahīñ haiñ rind agar ham to pārsā bhī nahīñ

suufī o riñd ke maslak meñ sahī laakh tazād
mastiyāñ ek sī vāraftagiyāñ ek sī haiñ

ham rind ḳhāk-o-ḳhūñ meñ aTe haath bhī kaTe
nikle na ai bahār tire gesuoñ ke bal

ham aise riñd pas-e-marg bhī vahāñ jaate
na piinā jurm ho hukaman jahāñ piyā karte

riñd jannat meñ jā bhī chuke
vā.iz-e-mohtaram rah ga.e

rind raste meñ āñkheñ bichhā.eñ jo kahe bin sune maan jaa.eñ
nāseh-e-nek-tīnat kisī shab sū-e-kū-e-malāmat to aa.e

ham aise rind magar ye zamāna hai vo ġhazab
ki Daal hī diyā duniyā kā baar ham par bhī

biThā ke sāmne tum ko bahār meñ pī hai
tumhāre riñd ne tauba bhī rū-ba-rū kar lī

vaa.iz se rah-o-rasm rahī rind se sohbat
farq in meñ koī itnā ziyāda to nahīñ thā

dil pe ik vahī aur ilhām kā rahtā hai samāñ
ham agar riñd na hote to payambar hote

laakh ham riñd sahī hazrat-e-vā.iz lekin
aaj tak ham ne na pī qibla-e-ālam kī tarah

tere kahne se riñd jā.eñge
ye to hai ḳhāna-e-ḳhudā vaa.iz

sāqiyā ye jo tujh ko ghere haiñ
in meñ kuchh riñd kuchh luTere haiñ

shah-e-dilbarāñ tujhe kyā ḳhabar dil-e-rind-e-ḳhāk-nashīñ hai kyā
isī ḳhaak ne use dil kiyā yahī ḳhaak us ko miTā ga.ī

na riñd ko lutf-e-mai-kashī hai na zāhidoñ ko namāz kī dhun
azaab badlā savāb badlā sharāb badlī ḳhumār badlā

is meñ saaqī kā bhī dar-parda ishāra to nahīñ
aaj kuchh rind bhī the vā.iz-e-badnām ke saath

kab se haiñ riñd muntazir chashm-e-karam pe hai nazar
shoḳh nigāh ke liye vaj.h-e-takallufāt kyā

fāriġh takallufāt se haiñ rind-e-be-riyā
chullū hī un ke vāste paimāna ho gayā