Tags-Rind

dil ko mahv-e-ġham-e-dildār kiye baiThe haiñ
riñd bante haiñ magar zahr piye baiThe haiñ

bigāḌā kis ne hai tab-e-jahāñ ko
kabhī ye riñd-mashrab bhī valī thī

jahāñ pe chhāyā sahāb-e-mastī baras rahī hai sharāb-e-mastī
ġhazab hai rañg-e-shabāb-e-mastī ki rind o zāhid bahak rahe haiñ

vā.izo ham riñd kyūñ-kar kābil-e-jannat nahīñ
kyā gunahgāroñ ko mīrās-e-pidar miltī nahīñ

rind-o-vā.iz the baham dast-o-garebāñ kal raat
jaane kyā haal huā shīsha-o-paimāne kā

na dekhe hoñge rind-e-lā-ubālī tum ne 'beḳhud' se
ki aise log ab āñkhoñ se ojhal hote jaate haiñ

riñd sabhī sāġhar par sāġhar chhalkāte jaate haiñ
kyuuñ labrez mirā paimāna kam kam hotā hai

riñd-mashrab haiñ kisī se hameñ kuchh kaam nahīñ
dair apnā hai na ka.aba na kalīsā apnā

us rind-e-balā-nosh ko siine se lagā lo
mai-ḳhāne kā zāhid se patā pūchh rahā hai

sau sar kā jo ho aa.e to maqbūl nahīñ yaañ
khaa.ī nahīñ jis rind ne sarchañg-e-ḳharābāt

sab tirī mast-nigāhī kā karam hai saaqī
riñd jo bhī yahāñ hosh se begāna hai

vaa.iz ko apne rañg pe le aayā khīñch kar
aaj ābrū-e-riñd-e-ḳharābāt rah ga.ī

ham riñd hue shāhid-e-maqsūd se vāsil
jhagḌe meñ rahe kāfir o dīñ-dār hamesha

ek rind-e-mast kī Thokar meñ haiñ
shāhiyāñ sultāniyāñ dārā.iyāñ

phir mizāj us rind kā kyūñkar mile
jis ko us ke haath se sāġhar mile

hazrat-e-shaiḳh kā ik rind se kaisā rishta
haañ mile the kisī matlab se bahut din pahle

bazm-e-rindāna meñ kyā riñd-o-vara.a kā charchā
shaiḳh-sāhib hai bahut ye to himāqat kī bahs

nahīñ hai aaj bhī shā.ista-e-ādāb-e-mai-noshī
vo ik rind-e-balā-kash jis kā 'tābāñ' naam hai saaqī

kabhī jo chaar qatre bhī salīqe se na pī paa.e
vo rind-e-ḳhām hai saaqī vo nañg-e-jām hai saaqī

barā.e-sair mujh sā riñd mai-ḳhāne meñ gar aa.e
gire sāġhar luñDhe shīsha hañse saaqī bahe dariyā