Tags-Rind

rind-e-ḳharāb-hāl ko zāhid na chheḌ tū
tujh ko parā.ī kyā paḌī apnī nabeḌ tū

ārāsta bazm-e-aish huī ab riñd piyeñge khul khul ke
jhuktī hai surāhī sāġhar par naġhme haiñ fazā meñ qulqul ke

kyā jāniye ye riñd bure haiñ ki bhale haiñ
saaqī kī nigāhoñ ke ishāroñ pe chale haiñ

chhū kar hī jise ātish-e-dozaḳh huī ThanDī
dāman ye kisī riñd kā dāman to nahīñ hai

ye dahr bhī to hai mai-ḳhāna-e-alast-numā
raho yahāñ bhī kisī riñd-e-pārsā kī tarah

agarche maiñ riñd-e-mohtaram huuñ magar ise shaiḳh se na pūchho
ki un ke aage to is zamāne meñ saarī duniyā jahannamī hai

kahte haiñ mast rind-e-saudā.ī
ḳhuub ham ko ḳhitāb hote haiñ

bazm se saaqī ke ham se riñd nikle pāk-sāf
apnā ab ka.abe meñ pahuñchegā musallā ik aur

balā-nosh is ḳharābāt-e-jahāñ se kis qadar guzre
lab-e-sāġhar pe zikr-e-rind-e-ḳhush-atvār baaqī hai

mai-ḳhāna chal ke riñd kā ḳhud pūchhtā hai haal
mānūs is tarah se huuñ ab mai-kashī se maiñ

saaf qulqul se sadā aatī hai āmīn āmīn
apne saaqī ko jo ham riñd duā dete haiñ

mazā to aa.e jo leñ riñd baḌh ke hāthoñ-hāth
mazā to aa.e kahīñ se jo mai ubal ke chale

aaj tasbīh-o-musalllā le ke 'ārif' ban gayā
kal jo rūh-e-mai-kada thā rind-o-bāda-nosh thā

rind jo zarf uThā leñ vahī sāġhar ban jaa.e
jis jagah baiTh ke pī leñ vahī mai-ḳhāna bane

shab ko mai ḳhuub sī pī sub.h ko tauba kar lī
riñd ke riñd rahe haath se jannat na ga.ī

rind-e-sharāb-e-ḳhār rahā maiñ tamām-umr
añgūr kā nasīb mujhe āb-o-dāna thā

zarā ai gardish-e-daurāñ Thaharnā
vo nikle riñd maiḳhāne se nikle

jo pahuñche daar tak mansūr the vo
hazāroñ riñd maiḳhāne se nikle

jo tishna-laboñ ke haq ke liye saaqī se laḌe vo riñd kahāñ
jo dast-o-dahāñ kā ḳhūgar hai vo dast-o-garebāñ kyā hogā

ham riñd-e-pareshāñ haiñ māh-e-ramazāñ hai
chamkī huī in rozoñ meñ vaa.iz kī dukāñ hai