Tags-Ritual

yuuñ kar rahā huuñ un kī mohabbat ke tazkire
jaise ki un se merī baḌī rasm-o-rāh thī

rafta rafta rasm-e-sañg-bārī jahāñ se uTh ga.ī
dhīre dhīre ho ga.e bastī ke sab patthar tamām

ki us ke hañsne kā andāz ye batātā hai
huī nahīñ hai ġham-e-dil se rasm-o-rāh abhī

vo jis ne rāh-e-mohabbat dikhā.ī thī ham ko
vo jis ne rasm-e-uḳhuvvat sikhā.ī thī ham ko

yahī hai rasm-e-jahān-e-fānī isī meñ kaTtī hai zindagānī
kabhī hai sāmān-e-aish-o-rāhat kabhī hujūm-e-ġham-o-alam hai

baada ba-qadr-e-zarf sahī rasm-e-mai-kada
saaqī nazākat-e-dil-e-mai-ḳhvār dekh kar

dil nayā ham ne lagāyā hai batā do mehrbāñ
us kī hai rah kyā ravish kyā rasm kyā dastūr kyā

mai-ḳhāne kī rasm-o-rāh meñ bhī ho jaa.e na shāmil khoT kaheñ
ḳhuddām fareb-āmāda haiñ ḳhidmāt kī niyyat Thiik nahīñ

kyuuñ sog kī rasm jīte-jī hai
marne kī hamāre kyā kahī hai

vafā kā zikr ḳhud karnā ḳhilāf-e-rasm-e-ulfat hai
subuk ho kar na pesh-e-dost bār-e-ġham-garāñ karnā

maiñ tark rasm-e-vafā bevafā se kyuuñ kartā
thā iḳhtilā-e-ḳhayālāt dushmanī to na thī

ham nahīñ nā-vāqif rasm-e-adab
dil kī betābī ko 'vahshat' kyā kareñ

harf-e-dil-dārī nahīñ rasm-e-dil-āzārī nahīñ
lahja-e-har-mehrbāñ nā-mehrbāñ maddham huā

yuuñ na maġhrūr ho tū apnī masīhā.ī par
zaḳhm kī rasm hai ik roz ye bhar jaate haiñ

vo lamhe bhūle nahīñ rasm-o-rāh ke ab tak
tasavvurāt haiñ dil meñ gunāh ke ab tak

tā.at-e-jabr bahut aam huī jaatī thī
ek inkār ne kī rasm-e-baġhāvat zinda

gaañv meñ mohabbat kī rasm hai abhī 'manzar'
shahr meñ hamāre to jo bhī hai madārī hai

ḳhirad ko naaz hai kyuuñ rasm-e-kaj-kulāhī par
sar-e-junūñ ke liye musht-e-ḳhāk bhī hai bahut

dekhiye rusvā na ho jaa.e kahīñ rasm-e-junūñ
apne dīvāne ko ik patthar to maare jā.iye

arsa-e-hastī meñ ab tesha-zanoñ kā daur hai
rasm-e-chañgezī uThī tauqīr-e-dārā.ī ga.ī