Tags-Ritual

sar uThā.egī agar rasm-e-jafā mere ba.ad
mujh ko DhūñDegā mirā dasht-e-anā mere ba.ad

kyā rasm-e-ehtiyāt bhī duniyā se uTh ga.ī
ye sochnā paḌā mujhe terī hañsī ke ba.ad

ik dushman-e-vafā se baḌhā.ī hai rasm-o-rāh
ḳhud apnī ārzūoñ kā ḳhuuñ kar rahā huuñ maiñ

ye ajab zamāne kī rasm hai ki jinhoñ pe marte the ham sadā
pas-e-marg aa vahī ḳhaak meñ hameñ aah dhar ke chale ga.e

baḌā karīm hai 'iqbāl'-e-be-navā lekin
atā-e-shola sharar ke sivā kuchh aur nahīñ

chāra-farmā.ī-e-dil rasm-e-butāñ hai to sahī
abhī kuchh mehr-o-mohabbat kā nishāñ hai to sahī

ḳhilāf-e-rasm-e-taġhazzul ġhazal-sarā huuñ maiñ
rubāb-e-vaqt kī bigḌī huī sadā huuñ maiñ

zīnat-e-jism bane ruuh ko chhalnī kar de
aisī har rasm zamāne se miTā dī jaa.e

tark karnā chāhiye hargiz na rasm-e-intizār
muntazir ko umr bhar sham.eñ jalānā chāhiye

ġhair shāyān-e-rasm-o-rāh nahīñ
kab vo āshiq hai jo tabāh nahīñ

haif qazzaqī-e-zamāna haif
rasm-o-rah bahr-e-rasm-o-rāh nahīñ

dushman-e-ḳhū-e-vafā rasm-e-mohabbat ke harīf
vahī kyā aur bhī do-chār nazar aate haiñ

tum se kahtā huuñ mirā ḳhuun mire dil pe sahī
rasm-e-duniyā hai ki apnoñ se gilā hotā hai

un ke ġhurūr-o-ġhamza-o-nāz-o-adā kī ḳhair
raas aa chalī thī rasm-o-rah-e-āshiqī hameñ

rasm ulTī hai ḳhūb-rūyoñ meñ
dost jis ke bano vo dushman hai

ḳhūbāñ kuuñ ravā hai qatl-e-āshiq
is shahr meñ rasm-e-ḳhūñ-bahā na.iiñ

tum jaano tum ko ġhair se jo rasm-o-rāh ho
mujh ko bhī pūchhte raho to kyā gunāh ho

agar yahī hai ab īfā-e-ahd meñ pas-o-pesh
to ḳhatm rasm-o-rah-e-iltifāt kī jaa.e

uḌā hai rafta rafta rañg tasvīr-e-mohabbat kā
huī hai rasm-e-ulfat be-viqār āhista āhista