Tags-Ritual

dekh lenā ye jahāñ jannat-nishāñ ban jā.egā
dushmanoñ se rasm-o-rāh-e-zindagī paidā karo

jaane vāloñ se rābta rakhnā
dosto rasm-e-fātiha rakhnā

phir aarzū se taqāzā-e-rasm-o-rah hotā
nigah pe qarz the jitne utārne aate

rasm-e-ulfat ko nibhānā hai 'sabīha' yuuñ bhī
ruuTh jaa.e to manānā bhī zarūrī Thahrā

tum se rāh-o-rasm baḌhā kar dīvāne kahlā.eñ kyuuñ
jin galiyoñ meñ patthar barseñ un galiyoñ meñ jaa.eñ kyuuñ

haañ ham ne bhī aaj kisī kā nāzuk sā dil toḌā hai
shahr-e-vafā kī rasm yahī hai ham is par sharmā.eñ kyuuñ

chāhe hamārā zikr kisī bhī zabāñ meñ ho
kuchh hasratoñ kī baat bhī rasm-e-bayāñ meñ ho

rasm-e-junūñ kā baab hai avval o āḳhirī
likkhā nisāb-e-dil to kisī bhī zabāñ meñ ho

vaa.iz se rah-o-rasm rahī rind se sohbat
farq in meñ koī itnā ziyāda to nahīñ thā

ajab tīra-shabī se ab rah-o-rasm-e-junūñ Thahrī
hue nisyāñ ke parde meñ mah-o-anjum nihāñ kyā kyā

saare aalam se karūñ maiñ tark rasm-e-dostī
mujh se hove ai mire dushman agar tū āshnā

har taqāzā-e-lutf par us ne
taaza rasm-e-sitamgarī kī hai

ajab kuchh zamāne kī hai rasm yaaro
jo hai kaam kā us ko bekār dekhā

ho ga.ī ḳhatm rah-o-rasm-e-mohabbat shāyad
maiñ vafā bhuul gayā un ko jafā yaad nahīñ

raas aa.e na us ke rasm-o-rivāj
shahr ham se ḳhafā ḳhafā sā thā

koī ye zāhid se jā ke kah de ki rasm ulTī shabāb kī hai
savāb meñ hai gunah kī lazzat gunah meñ lazzat savāb kī hai

phailā.e jab daam havas ne rasm-e-mohabbat aam huī
past huā me.aar vafā kā ik duniyā badnām huī

husn sarshārī-e-andāz-o-adā se guzrā
aur sab ahl-e-vafā rasm-e-vafā bhuul ga.e

chhoḌ do in se rasm-o-rāh 'nasīm'
chāhte ho jo behtarī dil kī

hai yahī rasm baḌe shahroñ meñ vaqt-e-ruḳhsat
haath kaafī hai havā meñ yahāñ lahrā denā