English
Favourite
Favourite
UrduShayarUrduShayar
Expand menu
Sign inAccount

Tags-Ritual

vo dā.eroñ se jo bāhar na aa sake 'tanvīr'
vo rasm-e-gardish-e-parkār toḌ dī maiñ ne
Ghazal
 kamand-e-halqa-e-guftar toD di maine
girah girah jo kahīñ aur rishta rishta kahīñ
ye rasm-e-sub.ha-o-zunnār toḌ dī maiñ ne
Ghazal
 kamand-e-halqa-e-guftar toD di maine
koī huā na dast-basar shahr-e-husn meñ
shāyad nahīñ hai rasm-e-javāb salām yaañ
Ghazal
 be-rawi o zulf-e-yar hai rone se kaam yan
umr-bhar khāyā fareb-e-dostī lekin ye dil
rasm-o-rāh-e-ahl-e-ālam se hai begānā hanūz
Ghazal
 lab pe aish-e-ahd-e-mazi ka hai afsana hanuz
rah-o-rasm-e-mohabbat in hasīnoñ se maiñ kyā rakkhūñ
jahāñ tak dekhtā huuñ naf.a un kā hai zarar apnā
Sher
 rah-o-rasm-e-mohabbat in hasinon se main kya rakkhun
avval avval to na the vāqif-e-ādāb-e-qafas
aur ab rasm-o-rah-e-ahl-e-chaman yaad nahīñ
Ghazal
 hum bhi shair the kabhi jaan-e-suKHan yaad nahin
ik umr se go rasm-e-junūñ chhoḌ chukā hai
dīvāna tire shahr meñ badnām hai ab bhī
Ghazal
 har bulbul-e-mushtaq tah-e-dam hai ab bhi
mel kuchh khel nahīñ thā jo bigāḌā tū ne
rabt kuchh rasm nahīñ thā jo ghaTā baiThā hai
Ghazal
 tu mujhe kis ke banane ko miTa baiTha hai
rasm kāvish to nahīñ thī jo miTā dī tū ne
haath parda to nahīñ thā jo uThā baiThā hai
Ghazal
 tu mujhe kis ke banane ko miTa baiTha hai
rah-o-rasm qalb o nigāh ke vo tumhāre daave nibāh ke
vo hamārā sheḳhī baghārnā tumheñ yaad ho ki na yaad ho
Ghazal
 mujhe pyar se tera dekhna mujhe chhup chhupa ke wo dekhna
ishq kī rasm nibhānā thī nibhā lī maiñ ne
dard kī bastī basānā thī basā lī maiñ ne
Ghazal
 ishq ki rasm nibhana thi nibha li maine
ḳhud apne haath se rasm-e-vidā.ī kar to dī par ab
koī bārāt aatī hai to bastī chhoḌ detā huuñ
Ghazal
 main rang-e-asman kar ke sunahri chhoD deta hun
mansūḳh hai is daur meñ har rasm-e-girebāñ
ab mashġhala-e-ahl-e-junūñ sīna-zanī hai
Ghazal
 rindon ko tere aarzu-e-KHushk-labi hai
ab na vo ahbāb zinda haiñ na rasm-ul-ḳhat vahāñ
ruuTh kar urdu to dehlī se dakan meñ aa ga.ī
Ghazal
 lafz ki buhtat itni naqd o fan mein aa gai
ajiib rasm hai yaaro tumhārī mahfil meñ
diye jalāne se pahle bujhā.e jaate haiñ
Ghazal
 wo pahle andhe kuen mein girae jate hain
karegā kaun tirī bevafā.iyoñ kā gila
yahī hai rasm-e-zamāna to ham bhī ab ke ga.e
Ghazal
 nazar bujhi to karishme bhi roz-o-shab ke gae
zindagī ham se tire naaz uThā.e na ga.e
saañs lene kī faqat rasm adā karte the
Sher
 zindagi humse tere naz uThae na gae
chaman-zār-e-mohabbbat meñ ḳhamoshī maut hai bulbul
yahāñ kī zindagī pābandi-e-rasm-e-fuġhāñ tak hai
Sher
 chaman-zar-e-mohabbbat mein KHamoshi maut hai bulbul
sahīfa jaan ke āñkhoñ ko paḌh rahā hai koī
ye rasm-e-ijrā ko betāb haiñ mire aañsū
Ghazal
 main pi rahi hun ki zahrab hain mere aansu
husn se rasm-o-rāh hone do
zindagī ko tabāh hone do
Ghazal
 husn se rasm-o-rah hone do
Top Urdushayar.com