Tags-Ritual

ishq kī manzil meñ ab tak rasm mar jaane kī hai
husn kī mahfil meñ ab bhī ḳhaak parvāne kī hai

riit bhī apnī rut bhī apnī
dil rasm-e-duniyā kyā jaane

pursish-e-ġham kī sabhī rasm haiñ baaqī lekin
in charāġhoñ meñ ujālā nahīñ dekhā jaatā

yatīm-e-tāza ko ye nāgavār guzregī
azā kī baat na kar rasm-e-tāj-poshī meñ

ham usī kī ḳhaak se uTThe haiñ kundan ban ke aaj
dosto jis shahar meñ rasm-e-vafādārī na thī

āġhāz-e-ishq hai vo baḌhāte haiñ rasm-o-rāh
ham dil meñ ḳhauf karte haiñ anjām-e-kār se

mujhe ġhair-e-ijz-o-niyāz ne tire dar pe jā ke jhukā diyā
na to koī ahd likhā gayā na to koī rasm adā huī

tū ne 'vahshat' kyuuñ ḳhilāf-e-rasm-e-ishq
dard ko rusvā-e-darmāñ kar diyā

mujhe chāk-e-jeb-o-dāman se nahīñ munāsibat kuchh
ye junūñ hī ko mubārak rah-o-rasm-e-āmiyāna

rasm-e-iz.hār-e-mohabbat meñ zarūrī hī sahī
ye tamāshā sar-e-bāzār nahīñ ho saktā

be-ghaḌī rasm-e-aqīdat sī nibhā.ī ham ne
ghar ko jaa.eñ bhī to sau baar bhaTakte jaa.eñ

chuum lenā lab-e-lālīñ kā hai rindoñ ko ravā
rasm ye bāda-e-gul-gūñ se chalī hai yaaro

har rasm par nazar ko jhukāte hue chale
har iḳhtiyār apnā miTāte hue chale

bāham ā.īn-e-vafā rasm-e-mohabbat kaisī
vaqt ab vo hai ki bandoñ ko ḳhudā yaad nahīñ

rasm-e-duniyā ko kyuuñ ye mānegā
hai alag jag se qā.eda dil kā

kahnā sunñā bhī ik vaz-e-tahzīb hai kahne sunñe meñ naqs-e-marātib nahīñ
ik zarā chup raheñ ham bhī gulzār meñ pās-e-rasm-e-hikāyāt-e-bulbul kareñ

'bāqī' jo chup rahoge to uTTheñgī uñgliyāñ
hai bolnā bhī rasm-e-jahāñ bolte raho

ab na vo ahbāb zinda haiñ na rasm-ul-ḳhat vahāñ
ruuTh kar urdu to dehlī se dakan meñ aa ga.ī

jis ko kahte haiñ mohabbat ho ga.ī ab rasm-e-ġhair
jis ko kahte haiñ muravvat besh-o-kam jaatī rahī

vo faqat ik shor thā ham par pas-e-maqtal khulā
halqa-e-yārāñ meñ jo rasm-e-vafā kā shor thā