Tags-Ritual

aa.iye haath uThā.eñ ham bhī
ham jinheñ rasm-e-duā yaad nahīñ

tā-chand rasm-e-jāma-darī kī hikāyateñ
taklīf yak-tabassum-e-pinhāñ to kījiye

azal se Dhañg haiñ dil ke ajiib se shāyad
kisī se rasm-o-rah ġhā.ebāna rakhtā hai

junūñ kī rasm zamāne meñ aam ho na sakī
havas thī chaah vafā kī ġhulām ho na sakī

pahroñ pas-e-dīvār khaḌā thā so khaḌā hai
dīvāna hai pāband-e-rah-e-rasm-o-vafā hai

diloñ kā ḳhuuñ karo sālim rakho garebāñ ko
junūñ kī rasm zamāna huā uThā dī hai

ġham-o-rañj kā chhupānā bhī hai kār-e-zarf lekin
hai ḳhushī ko zabt karnā rah-o-rasm-e-āqilāna

aajiz thā be-ijz nibhā.ī rasm-e-judā.ī maiñ ne bhī
us ne mujh se haath chhuḌāyā jaan chhuḌā.ī maiñ ne bhī

ab koī hadīs-e-qad-o-gesū nahīñ suntā
duniyā meñ vo rasm-e-rasan-o-dār chalī hai

janāza uTh chuke merā to tum bhī
adā rasm-e-mubārak-bād karnā

ban ga.ī rasm bāda-ḳhvārī bhī
ye namāz ab qazā bhī hotī hai

merī kitāb rasm-e-jahāñ hai vagarna maiñ
vo sāhib-e-kitāb huuñ jo be-kitāb thā

dil vaale haiñ ham rasm-e-vafā ham se milī hai
duniyā meñ mohabbat ko baqā ham se milī hai

rasm-e-duniyā yuuñ badal saktī nahīñ
kab 'sahar' tujh se kahā tanhā badal

rasm-e-supurdagī ko kab darḳhur-e'tinā kahā
ḳhud se jo thā gurez-pā sab se gurez kar gayā

zamīñ bhī terī hai ham bhī tere ye milkiyat kā savāl kyā hai
ye qatl-o-ḳhūñ kā rivāj kyuuñ hai ye rasm-e-jañg-o-jidāl kyā hai

maiñ bhaTkā huā ik musāfir
rah-o-rasm-e-manzil se nā-āshnā.ī pe nāzāñ

kiyā kabhī na sivā tere ġhair ko sajda
ḳharāb-e-shirk na kī rasm-e-bandagī maiñ ne

yahāñ sach bolne par zahr kā pyāla hī miltā hai
ajab rasm-e-sitam dekhī hai tere shahr kī ham ne