Tags-Ritual

ġhairat-e-ishq salāmat thī anā zinda thī
vo bhī din the ki rah-o-rasm-e-vafā zinda thī

dekhā kiye hamārī taraf bazm-e-ġhair meñ
tajdīd-e-rasm-o-rāh na kī ham bhī chup rahe

mujrim ke kaTahre meñ phir ham ko khaḌā kar do
ho rasm-e-kohan taaza fariyād kareñ phir se

ham bichhaḌ chuke lekin rasm-o-rāh kī ḳhātir milte rahte haiñ varna
kuchh udaas shāmoñ kā rāz-dāñ to maiñ bhī huuñ rāz-dāñ to tum bhī ho

rasm kī yaksāniyat niyyat kā parda ban ga.ī
jo munāfiq kā na ho aisā bhī maz.hab chāhiye

rasm-e-tāzīm-e-ishq to dekho
dard uTThā ki jī mirā baiThe

ḳhalish-e-tīr-e-be-panāh ga.ī
lījiye un se rasm-o-rāh ga.ī

us se har rasm-o-rāh toḌ to dī
dil ko lekin bahut nadāmat hai

jo us anjuman meñ haiñ baiThte to mizāj us ke se ham ko vaañ
kabhī ijz hai kabhī biim hai kabhī rasm hai kabhī daab hai

na vo mehmān-e-harīm-e-dil na ḳhayāl is kā muqīm-e-dil
huī qat.a rasm-e-qadīm-e-dil na payām hai na salām hai

dahr meñ rasm-e-vafā badnām ho kar hī rahī
ham bachāte hī rahe dāman ġhubār aa hī gayā

kahnā ye tum se hai ki falak darmiyāñ na ho
rasm-e-sitam durust hai tarz-e-sitam ġhalat

shahr kī rasm hai purānī vahī
sāzisheñ taaza haiñ kahānī vahī

rāh-o-rasm-e-vafā vo bhuul ga.e
ab hameñ bhī koī gila na rahā

adā huī hai ka.ī baar tark-e-ishq kī rasm
magar hai sar pe vahī qarz-e-jān-o-tan kyā kyā

ye duniyā kyā hameñ apnī Dagar par le ke jā.egī
ham apne saath bhī marzī kī rasm-o-rāh rakhte haiñ

mujh ko nashāt se fuzūñ rasm-e-vafā aziiz hai
merā rafīq-e-shab rahā ek diyā bujhā huā

dard halkā hai saañs bhārī hai
jiye jaane kī rasm jaarī hai

jis qadar ḳharch kiye saañs huī arzānī
nirḳh girtā gayā rasm-o-rah-e-bāzārī kā

tamām rasm uThā lī ga.ī mohabbat meñ
diloñ ke biich magar qaid-o-band kitnā hai