Tags-Rukhsar

vo ġhazāloñ se abhī siikh ke ram lauTā hai
baal haiñ dhuul meñ gum aur lab-o-ruḳhsār pe ḳhaak

kis ke chamke chāñd se ruḳhsār qiasar-bāġh meñ
chāñdnī hai sāya-e-dīvār qiasar-bāġh meñ

bāġh-e-ālam meñ yahī merī duā hai roz-o-shab
ḳhaar ḳhaar ishq-e-gul-e-ruḳhsār toḌā chāhiye

jab chhiḌ ga.ī hai kākul-e-sab-rañg kī ġhazal
aise meñ ik qasīda-e-ruḳhsār bhī sahī

sho.ala-e-husn-e-butāñ phūñk na de aalam ko
surḳh haiñ phuul se ruḳhsār baḌī mushkil hai

tapte hue sahrā meñ bhī kuchh phuul khilā.eñ
kab tak lab-o-ruḳhsār kā afsāna kahā jaa.e

the ḳhatt-e-shikasta kī ruḳhsār tire ta.alīm
az-bas-ke hujūm un par zulfoñ kī shikan kā thā

az-rāh-e-aqīdat use āñkhoñ se lagā.eñ
tum koī hadīs-e-lab-o-ruḳhsār to laao

tamsīl-e-jamāl-e-nigah-e-yār to laao
mumkin ho javāb-e-lab-o-ruḳhsār to laao

us ke ruḳhsār sub.h-e-daraḳhshāñ sahī us kī zulfoñ meñ shām-e-ġharībāñ sahī
dhuup aur chhāñv kī tarah vo ḳhud-nigar sāmne mere aa.e to maiñ kyā karūñ

havā meñ jab uḌā parda to ik bijlī sī kaundī thī
ḳhudā jaane tumhārā partav-e-ruḳhsār thā kyā thā

ye raakh makānoñ kī zaayā na karo 'sāġhar'
ye ahl-e-siyāsat ke ruḳhsār kā ġhāza hai

amīrāna bhī is kūche meñ aao
lab-o-ruḳhsār-o-mizhgāñ ke gadāo

raat din rahtī hai juuñ dīda-e-tasvīr khulī
aañkh jab se lagī us ā.ina-ruḳhsār ke saath

ajab nahīñ gul-e-ruḳhsār sausanī ho jaa.eñ
bahār-e-husn ko hai āfat-e-ḳhizānī dhuup

niklā thā kahīñ vo gul-e-nāzuk shab-e-mah meñ
so koft nahīñ jaatī hai ruḳhsār se ab tak

ḳhat kī ruḳhsār par syāhī hai
chashm-e-ḳhvābīda ḳhush-nigāhī hai

kis ke ruḳhsār dam-e-sair-e-chaman yaad aa.e
phuul āñkhoñ meñ khaTakne lage kāñTā ho kar

havā-e-shauq ne rañg-e-hayā nikhārā thā
chaman chaman lab-o-ruḳhsār kā nazārā thā

zarā sī der ko shāne se apnā sar haTā le
tire ruḳhsār ke sho.aloñ se shāna jal rahā hai