Tags-Rukhsar

sargoshiyoñ kī raat hai ruḳhsār o lab kī raat
ab ho rahī hai raat javāñ dekhte chaleñ

sogvārī chaman-e-dil par hai
barg-e-ruḳhsār kī bāteñ kareñ kyā

vahī hai til vahī ruḳhsār haiñ vahī tū hai
magar nahīñ hai samarqand aur buḳhārā mirā

dil bachā.e yā sarāhe ātish-e-ruḳhsār ko
jis kā ghar jaltā ho vo sho.aloñ kī kyā mid.hat kare

kuchh be-adabī aur shab-e-vasl nahīñ kī
haañ yaar ke ruḳhsār pe ruḳhsār to rakkhā

tauf meñ fart-e-tarab se hai zamīñ charḳh-e-zanāñ
sāya-e-gesū-o-ruḳhsār liye phirtī hai

hikāyāt-e-lab-o-ruḳhsār se aage nahīñ jaatī
tamannā kyā jo tere pyaar se aage nahīñ jaatī

kis ke lab o ruḳhsār kī bāteñ Dhal jaatī haiñ ġhazloñ meñ
kis ke ḳham-e-kākul kī kahānī vaj.h-e-suḳhan-ārā.ī hai

sham-e-ruḳhsār liye gesū-e-ḳhamdār liye
sab añdheroñ meñ ujāloñ meñ mire paas raho

jaane kis dam nikal aa.e tire ruḳhsār kī dhuup
muddatoñ dhyān tire sāya-e-dar par rakkhā

chāhtā hai is jahāñ meñ gar bahisht
jā tamāshā dekh us ruḳhsār kā

jaane kyuuñ aap ke ruḳhsār mahak uThte haiñ
jab kabhī kaan meñ chupke se kahā eid kā chāñd

jaane kis rañg meñ tafsīr kareñ ahl-e-havas
mad.h-e-zulf-o-lab-o-ruḳhsār karūñ yā na karūñ

thī jis kī por por mirī lams-āshnā
ab yaad us ke gesū-o-ruḳhsār tak nahīñ

kahtī hī tirī nāf-o-shikam dekh ke bulbul
ruḳhsār-e-gul-e-tar pe hai nargis kī dharī aañkh

detā huuñ apne lab ko bhī gul-barg se misāl
bose jo ḳhvāb meñ tire ruḳhsār ke liye

chehre pe nāzukī se na aa.e kahīñ gazand
ruḳhsār se na aap gul-e-tar lagā.iye

sabz hai pairahan chāñd kā aaj phir
rañg-e-rukHsār hai surḳh sā aaj phir

har koī jaan hathelī pe liye phir rahā hai
in dinoñ vo lab-o-ruḳhsār ġhazab kar rahe haiñ