Tags-Sabr

sabr hī kar liyā to phir 'shahzād'
mere hoñToñ pe kyuuñ duā aa.ī

dekho hamāre sabr kī himmat na TuuT jaa.e
tum raat din satāo magar dil liye hue

dil-e-ḳhūnīñ-jigar be-sabr-o-faiz-e-ishq-e-mustaġhnī
ilāhī yak qayāmat ḳhāvar aa TuuTe badaḳhshāñ par

samajh rahā huuñ amānat matā-e-sabr ko maiñ
agarche ab nigah-e-sabr-e-āzmā bhī nahīñ

butoñ ke jaur-o-jafā par maiñ sabr kartā huuñ
yahāñ ke vāste kuchh hai to kuchh vahāñ ke liye

maiñ is kuuze ke paanī se koī shamshīr Dhālūñgā
aur us ko ā.īne se aab dūñgā sabr miTTī se

koī jab chhīn letā hai matā-e-sabr miTTī se
to apne aap ug aatī hai us kī qabr miTTī se

sabr kar sabr dil-e-zār ye vahshat kyā hai
dasht-e-pur-ḳhār meñ jaane kī zarūrat kyā hai

ab kahāñ sabr-o-qarār-o-tāb-o-hosh
saath hī is ke hue paiham vidā.a

sañg-e-dil tujh ko jānte ham agar
sabr kī sil kaleje par rakhte

sabr kar sabr ai dil-e-mahzūñ
is mohabbat meñ kyā nahīñ hotā

qābil-e-shukr hai vo sabr ai 'josh'
jo kabhī dast-e-iltijā na huā

vo kitāb-e-sulh kā sar-varaq ki miTā.ī kashmakash-e-firaq
vo qatīl-e-ḳhanjar-e-sabr-o-haq ki vatan pe ḳhud ko miTā diyā

vo mujh ko chhoḌ ke jis aadmī ke paas gayā
barābarī kā bhī hotā to sabr aa jaatā

vo ham nahīñ jinheñ sahnā ye jabr aa jaatā
tirī judā.ī meñ kis tarah sabr aa jaatā

ek dil par hazār ilzāmāt
sabr kā imtihān kyā kahiye

dāman-e-sabr hijr ke hāthoñ
kyuuñ na yuuñ tār-tār ho jaatā

sabr kī chhat bachāte haiñ kaise
āñdhiyoñ ne sikhā diyā mujh ko

phir dāvat-e-karam nigah-e-sho.ala-bār de
allāh mustaqil mujhe sabr-o-qarār de

sabr mazlūm kā jab had se guzartā hai to phir
vaar TuuTe hue ḳhanjar se nikal paḌte haiñ