Tags-Sabr

rāhat-e-vasl kisī ko to kisī ko ġham-e-hijr
sabr ḳhāliq ne diyā hai mujhe sab ke badle

vaqt marham hai zaḳhm bhar degā
chāhiye sabr zindagī ke liye

shakeb-o-sabr kā paimāna TūTne par bhī
vahī vafā kā taqāzā hai dekhiye kyā ho

koī sadā mire sabr-o-sukūt se na uThī
koī maza tire qaul-o-qarār ne na diyā

har qadam par haiñ mire dil ko hazāroñ uljhāo
dāman-e-sabr ko kāñToñ se chhuḌā luuñ to chalūñ

ek sabr-āzmā judā.ī hai
milne-julne kī band haiñ rāheñ

koī nā-murādī kī yalġhār siine ko chhalnī na kar de
kahīñ dasht-e-anfās meñ sabr kā kārvāñ kho na jaa.e

sabr kartī hī rahī be-chārgī
zulm hotā hī rahā mazlūm par

merā shikva tirī mahfil meñ adū karte haiñ
us pe bhī sabr ham ai arbada-jū karte haiñ

jān-o-dil-o-hosh-o-sabr-o-tāqat
ik milne se us ke sab mileñge

hosh-o-shakeb-o-tāb-o-sabr-o-qarār pān.cho
qurbān kar chukā huuñ maiñ tujh pe yaar pān.cho

quvvat-e-zabt vassalām tāqat-e-sabr alvidā.a
phir vahī irti.āsh hai un kī nigāh-e-nāz meñ

kyuuñ sabr-āshnā na huā nā-murād dil
tere karam ke haath to yuuñ be-atā na the

maiñ hī kuchh be-sabr-o-tāqat ishq meñ us ke nahīñ
dil bhī ab be-tāqatī se kaam farmāne lagā

sabr o ārām kahūñ yā ki maiñ ab hosh-o-havās
ho gayā us kī judā.ī meñ judā kyā kyā kuchh

ajab ki sabr kī mī.ād baḌhtī jaatī hai
ye kaun log haiñ fariyād kyuuñ nahīñ karte

tirī razā ke mutābiq hī faisle hoñge
tū sabr kar ki abhī rābta nayā nayā hai

tirī duniyā meñ sabr o shukr se ham ne basar kar lī
tirī duniyā se baḌh kar bhī tire dozaḳh meñ kyā hogā

ye jo raushnī hai kalām meñ ki baras rahī hai tamām meñ
mujhe sabr ne ye samar diyā mujhe zabt ne ye hunar diyā