Tags-Sabr

us ne talqīn-e-sabr kī thī so ham
jo na sahnā thā vo bhī sahne lage

sab se behtar hai sabr-o-qanā.at ruuh ko is se miltī hai rāhat
lā na harf-e-shikāyat zabāñ par sun na 'zauqī' kisī kī burā.ī

zard chehra surḳh āñkheñ kāñpte be-sabr hoñT
ye sabhī kuchh aur dil-e-be-mudda.ā hote hue

dard ke taar milne to de hoñT hilne to de
saarī bāteñ kareñge raqam sabr kar sabr kar

shahr ujḌe to kyā hai kushāda zamīn-e-ḳhudā
ik nayā ghar banā.eñge ham sabr kar sabr kar

pahle khil jaa.e dil kā kañval phir likheñge ġhazal
koī dam ai sarīr-e-qalam sabr kar sabr kar

tere qadmoñ se jāgeñge ujḌe diloñ ke ḳhutan
pā-shikasta ġhazāl-e-haram sabr kar sabr kar

kyuuñ paTaktā hai sar sañg se jī jalā Dhañg se
dil hī ban jā.egā ḳhud sanam sabr kar sabr kar

terī fariyād gūñjegī dhartī se ākāsh tak
koī din aur sah le sitam sabr kar sabr kar

lahlahā.eñgī phir khetiyāñ kārvāñ kārvāñ
khul ke barsegā abr-e-karam sabr kar sabr kar

be-nishāñ hai safar raat saarī paḌī hai magar
aa rahī hai sadā dam-ba-dam sabr kar sabr kar

daf bajā.eñge barg o shajar saf-ba-saf har taraf
ḳhushk miTTī se phūTegā nam sabr kar sabr kar

dekh 'nāsir' zamāne meñ koī kisī kā nahīñ
bhuul jā us ke qaul o qasam sabr kar sabr kar

rah-navard-e-bayābān-e-ġham sabr kar sabr kar
kārvāñ phir mileñge baham sabr kar sabr kar

ye mahallāt-e-shāhī tabāhī ke haiñ muntazir
girne vaale haiñ un ke alam sabr kar sabr kar

sīnoñ meñ sabr-o-zabt kī vo tez aag thī
zulm-o-sitam ke koh-e-girāñ gal ke bah ga.e

ik sabr ke ghūñT se miT jaatī tab tishna-laboñ kī tishna-labī
kam-zarfi-e-duniyā ke sadqe ye ghūñT bhī piinā mushkil hai

sabr ruḳhsat ho to jaane dījiye
be-qarārī aa.e to Thahrā.iye

tār-tār kar Dāleñ sabr-o-zabt kā dāman
zaḳhm zaḳhm dikhlā deñ zarf-e-chāra-gar jāneñ

aazmā aur jis meñ chāhe tū
sabr meñ kar na imtihāñ dil ko