Tags-Sabr

sab ko jaanā hai yuuñ to par ai sabr
aatī hai ik tirī javānī kī

rakhne ko tere vāda-e-nā-mo'tabar kī laaj
jhelī hai dil ne zahmat-e-sabr-o-qarār tak

jāntā huuñ naaz phir bhī sabr kī tāqat nahīñ
bāġh-e-dil ko ek din nazr-e-ḳhizāñ honā hī thā

had ho koī to sabr tire hijr par kareñ
āḳhir ham ek haal meñ kab tak basar kareñ

sabr kī dostī ko rakh malhūz
jabr kī hukmarāniyoñ pe na jā

aap kā zulm merā sabr-o-shakeb
vāqa.ī be-hisāb haiñ donoñ

tirā va.ada thā va.ada rah gayā hai
hamārā sabr taktā rah gayā hai

libās-e-sabr-o-tahammul jo ham haiñ pahne hue
ab is ke lagtā hai baḳhiye udhaḌne vaale haiñ

ishq meñ jī ko sabr o taab kahāñ
us se āñkheñ laḌīñ to ḳhvāb kahāñ

huā ba.ad-e-vasl ajab mazā ki ḳhamosh baiThe judā judā
hama-tan maiñ sabr-o-sukūñ huā hama-tan-o-sharm-o-hayā hue

hama-tan kabhī hue dard-o-ġham hama-tan kabhī hue sabr ham
kabhī aap apnā maraz hue kabhī aap apnī davā hue

sabr o shakeb baaqī taab o tavāñ salāmat
dil misl-e-ūd jal jal ḳhushbū bikhertā hai

ik zarā sabr ki in surḳh ghaTāoñ ke tale
sar-nigūñ hoñge yahāñ ḳhaak pe parcham kitne

Tuk aur bhī sabr kar ki mujh ko
likhnā abhī nāma-bar bahut hai

jo āñkheñ chanchal kī dekheñ ham ne to nok-e-mizhgāñ ne dil ko chedā
nigah ne hosh-o-ḳhirad ko luuTā adā ne sabr-o-qarār chhīnā

raheñ salāmat satāne vaale ye hashr to roz hogā barpā
'sirāj' lekin sitam-rasīdoñ kī sabr kī daad bhī milegī

maiñ guzar ke aayā huuñ qabr se ki ilāqa rakhtā huuñ sabr se
mirī ruuh meñ koī iztirāb-e-fanā na ho kahīñ yuuñ na ho

qasam shoḳhī-e-ishq sanjogtā kī
qasam june ke azm-e-sabr-āzmā kī

rote the aql-o-hosh hī ko ham to ishq meñ
lo ab to dil se sabr bhī ruḳhsat-talab huā

intihā sabr-āzmā.ī kī
hai darāzī shab-e-judā.ī kī