Tags-Sach

kis ne koī sach likhā hai ye faqat ilzām hai
shā.irī mahrūmiyoñ kā ḳhūbsūrat naam hai

vahī ġharqāb hoñge ham vahī kashtī na Dūbegī
agarche nāḳhudā is sach ko jhuTlāne hī vaalā hai

sher achchhe bhī kaho sach bhī kaho kam bhī kaho
dard kī daulat-e-nāyāb ko rusvā na karo

phir yuuñ huā ki jhuuT kī aadat sī ho ga.ī
phir yuuñ huā ki sach ko chhupānā paḌā mujhe

ham ajal ke aane par bhī tirā intizār karte
koī va.ada sach jo hotā to kuchh e.atibār karte

vo haq sach kī ibārat paḌhne se mahrūm rahte haiñ
ki jin ko raushnī kī lau ruḳh-e-bātil se miltī hai

abruoñ ne sach kahā us ke ishāre kī hai der
dekhte bilkul nahīñ phir apne begāne ko ham

mujh se ham-āġhosh ho kar yuuñ kahā aur sach kahā
hoshiyār is tarah kar dete haiñ dīvāne ko ham

sach zarā hausle se suniyegā
lafz kuchh khurdure to hoñge hī

jhuuT ke sach ke darmiyān kabhī
maiñ takalluf se mar bhī jaatā huuñ

ḳhidmat-e-aġhyār se fursat koī paatā nahīñ
sach hai apnoñ par ġhulāmoñ ko taras aatā nahīñ

ye sach hai mil baiThne kī had tak to kaam aa.ī hai ḳhush-gumānī
magar diloñ meñ ye dostī kī numūd hai rāhat-e-bayāñ se

ḳhvāb ko sach meñ Dhālne kī lagan
dekhiyo ḳhud na ḳhvāb ho jaanā

ik baar ittifāq se sach maiñ ne kah diyā
phir us ke ba.ad jhuuT se nafrat sī ho ga.ī

sach bolne ke taur-tarīqe nahīñ rahe
patthar bahut haiñ shahr meñ shīshe nahīñ rahe

jab ke rusvā hue inkār hai sach baat meñ kyā
ai sanam lutf hai parde kī mulāqāt meñ kyā

va.ada to tire aane kā hai sach hī va-lekin
baazū ke phaḌakne se huā dil ko yaqīñ aur

mausam mausam yaad meñ terī tanhā ham ne kaaT diye
ik lamhe ke mel kā rishta sach hai koī rishta bhī

kuchh log jo ḳhāmosh haiñ ye soch rahe haiñ
sach boleñge jab sach ke zarā daam baḌheñge

zulmat-e-shab ko jahāñ nūr-e-sahar kahte the log
merā sach kahnā sazāvār-e-pazīrā.ī na thā