Tags-Safar

qasam anjum-e-shab ke zauq-e-safar kī
qasam tāzgī-e-nasīm-e-sahar kī

raat to vaqt kī pāband hai Dhal jā.egī
dekhnā ye hai charāġhoñ kā safar kitnā hai

samand-e-ḳhvāb vahāñ chhoḌ kar ravāna huā
jahāñ surāġh-e-safar koī naqsh-e-pā na huā

batā.ūñ kyā tumheñ hāsil safar kā
adhūrī dāstāñ hai aur maiñ huuñ

mujhe ghar meñ bhī chain paḌtā nahīñ thā
safar meñ huuñ ab to safar kāTtā hai

vo ḳhayāloñ meñ ghar meñ rahtā hai
vo safar par kabhī gayā hī nahīñ

bahut tavīl hai 'ānas' ye zindagī kā safar
bas ek shaḳhs pe dār-o-madār kam hogā

ik nuur thā ki pichhle pahar ham-safar huā
mujh ko qabā kā chaak hī chāk-e-sahar huā

karāñ karāñ na sazā koī sair karne kī
safar safar na koī hādsa guzarne kā

shāyad koī manzil nahīñ is raah meñ paḌtī
vāpas nahīñ aatā koī yādoñ ke safar se

phir safar naam hai aziyyat kā
rāsta hāñptā hai umr ke saath

maiñ vādiyoñ kī masāfat se kis liye niklūñ
safar ik aur pahāḌoñ ke paar rakkhā hai

maiñ us nigāh ke hamrāh jab se aayā huuñ
mujhe na jaane kahāñ kā safar sā rahtā hai

darūn-e-dil ho ki bairūn-e-dil safar apnā
kahīñ lahad kahīñ ḳhālī makāñ dikhā.ī de

makīñ huuñ maiñ ki musāfir ye dasht hai ki dayār
qayām meñ bhī safar kā samāñ dikhā.ī de

saare hī āb-o-gil ke safar maiñ ne kar liye
ab āsmān bhī mirī Thokar meñ aa.egā

gumrahī se bhī mirā zauq-e-safar kam to nahīñ
raah lekin mire qadmoñ ko churātī kyuuñ hai

ummīd-o-yās-o-hasrat-o-armān-o-ārzū
kyā kyā na rāh-e-ġham meñ mujhe ham-safar mile

mirā ham-safar jo ajiib hai to ajīb-tar huuñ maiñ aap bhī
mujhe manziloñ kī ḳhabar nahīñ use rāstoñ kā pata nahīñ

ta.ayyun-e-safar-o-samt se haiñ begāna
chale junūb ko the aa ga.e shumāl meñ ham