Tags-Safar

kyā akele hī aage jaanā hai
kyā nahīñ koī ham-safar baaqī

rah gayā kam hī go safar baaqī
dil meñ ḳhvāhish kā hai guzar baaqī

ab ke āġhāz-e-safar soch samajh ke karnā
dasht milne kā nahīñ ghar bhī nahīñ aane kā

mujhe ḳhabar thī mirā intizār ghar meñ rahā
ye hādisa thā ki maiñ umr bhar safar meñ rahā

as.hāb-e-ḳhās gird the anjum kī tarah sab
tābāñ thā biich meñ vo mah-e-hāshmī-laqab

qurbāñ kamān-e-abrū-e-maulā pe jaan o dil
gar māh-e-nau kaheñ to hai tashbīh mubtazil

ye rū-e-raushan aur ye gesu-e-mushk-e-fām
yaañ shaam meñ to sub.h hai aur sub.h meñ hai shaam

dasht-e-viġha meñ nūr-e-ḳhudā kā zuhūr hai
dasht-e-viġhā meñ nūr-e-ḳhudā kā zuhūr hai

tirī dhun meñ kosoñ safar karne vaale
tujhe sañg-e-manzil-numā jānte haiñ

pukār leñ na kahīñ dhuup meñ ghanī shāḳheñ
bas ek ḳhauf yahī dosto safar meñ thā

naqsha chhoḌā hai havā ne koī
kaun sī samt safar jaanā hai

gurezāñ hai har manzar-e-jism-o-jāñ
koī shai hai andar safar meñ bahut

manzil manzil dhokā hai
mere paañv safar meñ rah

sar-e-manzil aa ke patā chalā ki qadam qadam pe fareb thā
kahīñ ham-safar kī umiid meñ kahīñ ham-safar kī talāsh meñ

palkoñ se apne bhūle hue ḳhvāb bāñdh leñ
jab Thaan lī safar kī to asbāb bāñdh leñ

tū ab kī baar na bach kar nikalne pā.egā
safar meñ dekh tilismī hisār chāroñ taraf

tumhārī manzileñ haiñ tum ne ḳhud mushkil baḌhā.ī hai
kisī ke saath chalne se safar āsān hogā kyā

kab baiTh sake manzil-e-hastī ko pahuñch kar
aage jo baḌā is se hai vo ek safar aur

'munīr' is mulk par aaseb kā saaya hai yā kyā hai
ki harkat tez-tar hai aur safar āhista āhista

ham kahāñ rukte ki sadiyoñ kā safar darpesh thā
ghanTiyāñ bajtī raheñ aur kārvāñ chaltā rahā