Tags-Safar

mirī vafā ke safar kī takmīl ho to kaise
hai terā mehvar tirī adhūrī mohabbatoñ meñ

taaq par juzdān meñ lipTī duā.eñ rah ga.iiñ
chal diye beTe safar par ghar meñ maa.eñ rah ga.iiñ

ik duur ke safar pe ravāna bhī huuñ 'zafar'
sust-ul-vajūd ghar meñ paḌā bhī huā huuñ maiñ

īñdhan se huā jin ke safar chāñd kā mumkin
un ke bhī to chūlhe ko sañvārā kare koī

agar safar meñ hamārā bhī ham-safar hotā
baḌī ḳhushī se unhī pattharoñ pe so lete

us tak hai safar laakh sarāboñ se muzayyan
'shākir' na kahīñ ḳhud se bhī jaa.eñ chalo aao

kyā pairoñ kī thakan is safar ko rok saktī hai
kyā rāste ke roḌe mere irāde ko toḌ sakte haiñ

haiñ ajnabī rāstoñ ke manzar shanāsā koī Dagar nahīñ hai
qadam qadam par sa.ūbateñ haiñ safar to hai ham-safar nahīñ hai

apne safar meñ yuuñ to akelā huuñ maiñ magar
saaya sā ek raah ke har moḌ par mile

kuchh manziloñ ke ḳhvāb the kuchh rāstoñ ke dhuul
nikle safar pe ham to yahī ham-safar mile

ham haiñ bas izn-e-safar hone tak
ḳhaak aur ḳhāk-ba-sar hone tak

dil-e-ḳhush-fahm tirī ḳhush-fahmī
muntashir gard-e-safar hone tak

āḳhirī sher kī manzil bhī kaḌī hai 'sāqib'
soch ke kitne safar zehn-e-rasā meñ aa.e

ham ġharībī meñ bhī me.ār-e-safar rakhte haiñ
girte paḌte hī sahī apnī anā meñ aa.e

kyā musāfir haiñ ye raste meñ bhaTakne vaale
jaise be-samt ghaTāoñ kā safar sadiyoñ se

koī mushkil na masāfat hai na raste kī thakan
asl zanjīr hai sāmān-e-safar sadiyoñ se

be-nishāñ hai safar raat saarī paḌī hai magar
aa rahī hai sadā dam-ba-dam sabr kar sabr kar

tamām umr safar se ġharaz rahī ham ko
har iḳhtitām pe ham ek ibtidā rakh aa.e

safar se pahle sarāboñ kā silsila rakh aa.e
har ek moḌ pe āshob ik nayā rakh aa.e

kyā batā.ūñ kis tarah jaatā rahā zād-e-safar
ye ziyāñ bas ek pal raste meñ sone se huā