Collections

Lab Shayari

Motivational Ghazals

Best Khamoshi Shayari

More Collections

Tags-Safar

maiñ do qadam chalā thā ki Dhalvān aa ga.ī
'afzal' safar to merā burā haal kar gayā

gahra sukut zehn ko behaal kar gaya

chal ke kuchh duur ruk ga.e haiñ vo
na milā mujh sā ham-safar shāyad

uski pahle se thi nazar shayad

be-natīja hī rahī hai har safar kī justujū
DhūñDne nikle the jis ko vo jahāñ miltā na thā

thin zaminen gum-shuda aur aasman milta na tha

phir is ke baa'd sabhī manzileñ hamārī thiiñ
ye hausla hī safar kā jo raḳht ho jaatā

ye aur baat jigar laKHt-laKHt ho jata

safar meñ sar pe tirī dhun to thī savār magar
nigāh meñ koī manzil na koī rasta thā

tamam ru-e-zamin par sukut chhaya tha

bahr-e-zulmat kā safar dar-pesh hai
haiñ havā meñ bāl-o-par jalte hue

yak-ba-yak kyun band darwaze hue

is qadar baḌhne lage haiñ ghar se ghar ke fāsle
dostoñ se shaam ke paidal safar chhīne ga.e

is qadar baDhne lage hain ghar se ghar ke fasle

na koī ḳhauf na andesha aur na raḳht-e-safar
ye kaun hai jo mire saath saath chaltā hai

umid-o-bim ke aalam mein dil dahalta hai

tā-sub.h hai ba-manzil-e-maqsad rasīdanī
dūd-e-charāġh-e-ḳhāna ġhubār-e-safar hai aaj

gulshan mein bandobast ba-rang-e-digar hai aaj

kartī hai ājizī-e-safar soḳhtan tamām
pairāhan-e-ḳhasak meñ ġhubār-e-sharar hai aaj

gulshan mein bandobast ba-rang-e-digar hai aaj

vo jo ab dil kī rahguzar meñ nahīñ
vaqt kahtā hai maiñ safar meñ nahīñ

wo jo ab dil ki rahguzar mein nahin

ġham o nashāt kī har rahguzar meñ tanhā huuñ
mujhe ḳhabar hai maiñ apne safar meñ tanhā huuñ

gham o nashat ki har rahguzar mein tanha hun

hisār-e-jāñ ke vo us paar hī to rahtā hai
faqat hai shart-e-safar fāslā bhī koī nahīñ

umid koi nahin aasra bhi koi nahin

ye chāhtī thī ki maiñ tai karūñ safar us kā
jo thak gayā hai mirā hausla baḌhāte hue

kisi ke nam ko likhte hue miTate hue

dast-o-pā shal ho ga.e haiñ quvvateñ zaa.il huiiñ
zindagānī kā safar aage ravāñ hone lagā

tham zara waqt-e-ajal didar-e-jaan hone laga

kartī hai kamar-basta safar par bhī yahī zaat
jab duur nikal jaatā huuñ detī hai sadā bhī

hai nur-e-KHuda bhi yahan irfan-e-KHuda bhi

ek terā ġham jis ko rāh-e-mo'tabar jāneñ
is safar meñ ham kis ko apnā ham-safar jāneñ

ek tera gham jis ko rah-e-motabar jaanen

safar to pahle bhī kitne kiye magar is baar
ye lag rahā hai ki tujh ko bhī bhuul jā.eñge

guzar gae hain jo mausam kabhi na aaenge

kitnī thakan safar kī thī par vāpsī kī shaam
is shauq-e-arz-e-hāl ne sone nahīñ diyā

nazzara-e-jamal ne sone nahin diya

saarī duniyā kā safar ḳhvāb meñ kar Daalā hai
koī manzar ho mirā dekhā huā hotā hai

wo bichhaD kar bhi kahan mujhse juda hota hai